لە سەر ساڵ.. زەخمداری ٦ ژن وە مرافە وەرد شویەیلیان لە دیالە
2023-01-01T12:04:40+00:00
شەفەق نیوز/ سەرچەوەیگ پزشکی لە دیالە، خەوەردا لە زەخمداری ٦ ژن لەوەر مرافەیان وەگەرد شویەیلیان.
سەرچەوەگە ئەرا ئاژانس شەفەق نیوز و: خەسەخانەی بەعقووبە پیشوازی لە ٦ ژن کرد ک کەفتنەسە وەر دەسوەشانن سەختیگ لە شویەیلیان مەوقەی ئاهەنگەیل سەر ساڵ زایینی، و زەخمدار بوینە.
وتیش: کادرەیل تەندرووسی رەسینە هانای ژنە زەخمدارەیل، و دەسەڵاتەیل لێکۆڵینەوە لەو رویداوەیلە واز کردن.
هەرلیوا، سەرچەوەیگ پزشکی لە دیالە خەوەردا لە مردن مناڵیگ وە هەڵەی دەرزییگ تیکڵا لە قەزای خاڵس.
سەرچەوەگە ئەرا ئاژانس شەفەق نیوز وت: مناڵیگ لە تەمەن ٣ ساڵان دویای ئەوە ک دەرزییگ تیکڵا «ڤۆڵتارین و دیکادرۆن» وەلایەن یاوەری پزشک لە نوڕینگەیگ تایبەت لە دەیشت خەسەخانە یا ینکەیل تەندروسی لە قەزای خاڵس لەلی دریاگە، گیانی لەدەسدا.
کەسوکارەیل ئەو مناڵە وتن: لایەنەیل ئەمنی و تەندروسی لێکۆڵینەوە لە رویداوەگە واز کردن ئەرا رەسین وە بندروس مردن ئەو مناڵە.
