عهرهبهيل سوننی دیاله له ههڵوژاردن تمیمی ئهڕا پۆست پارێزگار ناڕازین
![عهرهبهيل سوننی دیاله له ههڵوژاردن تمیمی ئهڕا پۆست پارێزگار ناڕازین](https://media.shafaq.com/media/archive/files/Archive.jpg)
وهلێ ئهنجومهن پارێزگای دیاله دوێهكه تهمیمی جور پارێزگار ئهڵوژان و پیكهاتهێ سوننهێ ناو ئهنجومهنهگه بایكۆت دانیشتنهگه كردن.
هاوپهیمانی هێزه عراقیهگان وهدهركردن بهیاننامهێگ وكل كردن كوپیێگێ ئهرا (شهفهق نیوز) ڕاگهیاندگه: ئهوهگ له ئهنجومهن پارێزگای دیاله ڕوێ داگه كار ترسناك و پهیام سلبیێگه ك ههڕهشه له سهرجهم ڕێكهفتنهیل سیاسی ناونی هێز و لاێهنه ئهكتیڤهگان ناو هاوپهیمانی نیشتمانی و كوردستانی ئهكا.
زیاتر وتگه : ئهوهگ له ئهنجومهن پارێزگای َ دیاله ڕویداگه ههڕهشهێ ڕاسهقینهێگه له شهراكهت نیشتمانی و پاشێل كردن ڕێكهفتنه سیاسیهگان ك لهتی پۆست پارێزگار ئهڕا كوتلهێ عراقیهێ دیاله چهسپیاگه ئهویش وهگورهێ تهركیبهێ پێكهاتهگان پارێزگاگه.
له دريژهی بهیاننامهگه هاتگه : ئیمه جور هاوپهیمانی هێزه عراقیهگان له بان پابهندی وه سهرجهم ڕێكهفتنهگان تهئكید ئهكهیم و له سهرجهم لاێهنهیل هاوپهیمانی نیشتمانی ئهخوازیم ههڵویست له وهراوهر ئهو پاشیل كردنه وهربگرن.
بهیاننامهگه زیاتر ئهێوژێ : ڕێكهفتنمان وهل سهرجهم هاوبهشه سیاسیهگان پارێزگای دیاله بهشێگه له ڕێكهفتنه سیاسیه گشتیهگان چ ئهوهگ پهیوهسه وه حكومهت مهحهلی ، یا پوست پارێزگار بهغدا ك حكومهت ئتحادی له بان ئهو رێكهفتنه دامهزریاگه.
هاوپهیمانی هێزه عراقیهگان له كوتایی بهیاننامهگهێ داوا له سهرجهم كهسایهتیهیل ناو هاوپهیمانی نیشتمانی كردگه پابهند بوون وه ڕێكهفتنه سیاسیهگان.