عراق ئاسمانی تا 72 ساعەت ترەک بەسێد
2026-03-16T12:07:09+00:00
شەفەق نيوز- بەغداد
دەسەڵات فڕوکەوانی مەدەنی عراق، ئمڕوو دووشەممە، درویژەوکردن بەسیان ئاسمان عراق لەنوای گشت فرۆکەیل هاتگ و چگ تا ماوەی 72 ساعەت ترەک راگەیان، جویر ریکاریگ مقیەتبوین وەختانە.
دەسەڵات فڕوکەوانی لە بەیاننامەیگ رەسیە ئاژانس شەفەق نیوز وت: بڕیار درویژەوکردن بەسیان ئاسمان لە ساعەت 12:00ی نیمەڕو رووژ دووشەممە 16ی مارس / ئازار 2026 (09:00 وە وەخت جیهانی UTC) تا ساعەت 12:00ی نیمەڕو رووژ پەنجشەممەس.
وتیش: بڕیارەگە لە بنەمای هەڵسەنگاندن وەردەوام بوی ئەرا رەوشەیل ئەمنی و نووەوبویەیل رەوشەیل هەرێمی، وە مەرجیگ دووارە هەڵسەنگاندن ئەرای بکریەێد وەگورەی نووەوبویەیل.
فرۆکەوانی مەدەنی دووپاتیش کرد کە ئەوەسا ئاگادار کۆمپانیایل فرۆکەوانی و لایەنەیل پەیوەندیدار کریەێد وە هەر نووەوبوییگ هاتگ.
