شاند دانوستانکار کوردستان و ناوەندەیل بڕیار لە هەولێر لەباوەت بودجەی 2027 گردەو بوونەو
شەفەق نیوز - هەولێر
شاند دانوسەنین هەرێم کوردستان وەرد بەغداد، رووژ دوشەممە، گردەوبوینیگ لە شار هەولێر بەسی وە ئامادەبۊن شمارەیگ لە شارەزایەیل لە بوار ئابووری و بڕیاردەرەیل لە ناوەند سیاسی و حکومی لە هەرێم کوردستان، ئەوەیش ئەرا باسکردن ئەو دانوسەنینە کە وەردەوامە لەباوەت بەش کورد لە بودجەی عراق ئەرا ساڵ 2027.
سەرۆک دامەزراوەی "ڤیژن" ئەرا لێکۆڵینەوە ستراتیژییەیل عەدنان عوسمان، ئەرا ئاژانس شەفەق نیوز وت، کە گردەوبوینەگە ئەرا هەڵسەنگاندن ئەنجامەیل ئەو تەقەلایەلەسە کە شاند دانوسەنین هەرێمەگە دایەسەی لەباوەت بەش کوردستان لە بودجەی 2027، وە بەشداریکردن لایەنەیل سیاسی و ناوەندەیل بڕیار و حوکم لە هەرێمەگە، ئەرا خستنەڕوی سەرنجەیل و رێنماییەیلیان ئەرا شاند دانوسەنکارەگە.
عوسمان دەسنشان ئەرا ئەوە کرد کە لەبان بنەمای ئەوەگ شاند دانوسەنین لە سەردانەیلی ئەرا بەغداد و وتووێژەیلی وەرد ناوەندە سیاسی و حکومییەیل لە عراق خستیەسەی روی، ئەوە سەرەڕای بۊین "هزریگ وازتر" لە بەغداد و لەیەکفامستن گەورەتر ئەرا مافە دەستووری و یاساییەیل هەرێم کوردستان، وەلی رخباریەیل هێمان مەنینەسەو لەباوەت شایستە یاسایی و داراییەیل کوردستان.
وتیش کە ئی گامە هەوەجە وە پاڵپشتییگ سیاسی کوردی دیرێد کە لە یەکڕزی و یەکگرتگبۊن لە ناوەین هێزە سیاسییە کوردستانییەیل وەرجەسە بوود.
عوسمان رووشنەو کرد، کە ئەوان وە نزیکەو چەودیاری رادەی کاریگەری گامەیل یەکڕزی لە عراق لەبان دەسکەفتە تایبەتەیل وە هەرێمەگە کەن، وەتایبەت لە بودجەی ساڵ 2027، کە وەشیوەی یەکەم پرۆژەی بودجە دانریەێد کە حکومەت عراقی ئیسە کار لەبانی کەێد، وە دووپاتکردن ئەوە کە بڕیار کۆتایی بڕیار ناوەند سیاسی و حکومی لە هەرێم کوردستان بوود.
