سعوديه: رێژه‌ى هه‌نارده‌يلمان ئه‌را عراق له 70% ژويه‌رتر بويه
شه‌فه‌ق نيوز/ ئبراهيم ئه‌لعومه‌ر پاريزگار ده‌سه‌ى گشتى وه‌به‌رهاوردن سعودى و سه‌رۆك ليژنه‌ى ئابوورى و بازرگانى له ئه‌نجومه‌ن هه‌ماهه‌نگى سعودى عراقى وت: هه‌ردوگ وڵات تاوووێ ده‌رفه‌ته‌يل وه‌به‌رهاوردن كردنه له عراق، ئه‌ويش له‌چوارچێوه‌ى سه‌ردانه‌گه‌ى سه‌رۆك ئه‌نجومه‌ن وه‌زيره‌يل عراقى ئه‌را سعوديه له هه‌فته‌ى گوزه‌يشت.
ئه‌لعومه‌ر له ديمانه‌يگ وه‌ل ئه‌لعه‌ره‌بيه وت: ئه‌و دانيشتنه سه‌ركه‌فتگ بويه وه‌گشت پێوه‌ره‌يه‌يليگ و دريژه‌ده‌ر دانيشتنه‌يل وه‌رين بويه ك له‌تى تاووتوێ ده‌رفه‌ته‌يل وه‌به‌رهاوردن له عراق كرياگه ك ئه‌را كه‌رت تايبه‌ت سعودى خريا ڕوێ.
پاريزگار ده‌سه‌ى گشتى وه‌به‌رهاوردن سعودى هه‌ميش وت: باسيش له‌و روێداگه‌يل سه‌ختيشه كرياگه ك ئه‌ياده تويش وه‌به‌رهاوه‌ره‌يل سعودى له عراق و ئاماژه وه‌يه‌يش كرد هه‌نارده‌يل سعودى ئه‌را عراق زياتره له 70 له‌سه‌د، وه‌لێ ئه‌و شماره وه كه‌م تاريف كردو پيشبينى يه‌يش كرد له‌و شماره زياتر هه‌نارده بكريه‌ێد دوياى وازكردن هێڵ تازه‌ى عه‌رعه‌ر ك شانشين سعودى ئه‌وه‌سێد عراقه‌و.
