زیاتر لە ٢٨٢ ملیۆن دۆلار.. بەرزەوبوین فرووشەیل بانک ناوەندی عراق

 پەیامنێر ئاژانس شەفەق نیوز وت: ئمڕوو بانک ناوەندی عراق لە زیایکردن ئاشکرای بڕ 282 ملیۆن و 790 هەزار و 151 دۆلار فرووشت، کە وە نرخ بنەڕەتی 1310 دینار ئەرا هەر دۆلاریگ ئەرا کرێدیتی دۆکیۆمێنتاری و یەکلاکردن ناودەوڵەتی ئەرا کارت ئەلیکترۆنی پووشیە، و  ئەرا هەواڵەی دەرەکی ەە هەزار و ٣١٠ دینار، وە وە گشتی ئەرا هەر دۆلاریگ هەزار و ٣٠٥ دینار.

وتیش: فرەی فرووش دۆلار ئەرا قایمکردن باڵانسەیل دەیشت وڵات وەشیوەی هەواڵە  و کرێدت چگە، کە بڕی 276 ملیۆن و 190 هەزار و 151 دۆلار بویە، کە وەڕیژەی 98% زیاییکردگە وەچەو فرووش کاش کە بڕی 6 ملیۆن و 600 هەزار دۆلار بویە.

 پەیامنێرمان وتیش: شمارەی ئەو بانکەیلە کە دۆلار کاش سەننە یەک بانک بویە، لە وەختیگ شمارەی ئەو بانکەیلە کە وەڵام داواکارییەیل بەرزکردن باڵانسەیل دانەسەو لە دەیشت وڵات رەسیەسە ١٧ بانک، و بڕ گشتی کۆمپانیایل ئاڵوگۆڕی و دەڵاڵی کە بەشداری لە زیادکردنەگە کردنە، ١٠ کۆمپانیا بویە.