روسیا 80% ئهمریكییهيل ئهكوژێ
![روسیا 80% ئهمریكییهيل ئهكوژێ](https://media.shafaq.com/media/archive/files/Archive.jpg)
وهگورهێ ههواڵێگ سایت روسیاتودهی، جێرمان كاین كاندید كۆماریخوازهيل له ههڵوژاردنهیل ساڵ 2012، نامه ئهرا چهن هاوڵاتییگ وڵاتهگهێ كلكردگه ك گوایا له ئنجیل پیرۆز پێشبینیی ئهوه كرياس، روسیا هێرش بكاده بان ئهمریكا و 80% نیشتهجايهيلێ بكوژێ.
له نامهگهێ جێرمان كاین باس لهوه كردگه ك بايهسه هاوڵاتیهيل گشت كاروبار و سهرقاڵییهیل خوهیان دويابخهن و تهماشاێ ئهو فیلم دۆكیۆمێنتاری كۆڵه بكهن ك لهتێ كاین باس لهوه ئهكا باراك ئۆباما و گهورا پیاوهیل ئایینی وڵاتهگهێ پێشبینییهگهێ ئنجیل پیرۆز و وهخت پهلامارهگه لهمهردم شارنهو.
وهگورهێ نامهگهێ جێرمان كاین بوود، پهلامارهگهێ روسیا ئهڕا بان ئهمریكا له ساڵ 2017 ئهنجامدريهێد ك گوایا مۆسكۆ وه چهك موگناتیسی پهلامار ئهو وڵاته دهێد و 80% نیشتهجايهيلێ كوشێد.
ههر له نامهگه، ئهو كاندید وهرين كۆماریخوازهيله باس لهوه ئهكا ك ئهڕا رزگاربوين لهو كارهساته، هاوڵاتیهيل تويهنن بهرنامهێگ بسێنن وهناو (ڕزگاربوين لهكووتایی جههان) ك نرخهگهێ تهنيا 49 دۆلاره!