داعش چوار سهركردهێ خوهێ له سێدارهدا
![داعش چوار سهركردهێ خوهێ له سێدارهدا](https://media.shafaq.com/media/archive/files/Archive.jpg)
2015-05-27T15:04:56+00:00
شێخ خزر ئهلجغیفی وه (شهفهق نیوز) وتگه: له ڕێ گووشداین وه ئامێره بێ تهلهگان داعش، ئهڕامان ئاشكرا بويه ك ئهمیر ڕێكخرياێ تيرۆریستی داعش له ناوچهيل خوهرئاوا چوار فهرماندهێ سهربازی خوهی ك عێراقی بوینه له سێداره داس ئهویش وهخاتر ئهوهگ له كۆنترۆڵ كردن شار حهدیسه شكست خواردنه.
زیاتر وتگه: هێزهیل عهشایر و حهشد شهعبی و سوپاێ عراق له چهن ڕووژ گوزهیشته، زنجیره ههڵمهتهیل داعش ئهڕا بان شار حهدیسه وهرپهرچ دانهسهو و زهرهدهیل فهرهێگ ڕهساننهسه چهكدارهیل تيرۆریست.
هێزهیل عراقی ڕووژ دوشهممهێ گوزهیشته، پهلامارێگ داعش ئهڕا بان شار حهدیسه له خوهرئاواێ ئهنبار وهرپهچ دانهسهو و تويهنستنه نزیكهێ 23 چهكدار بكوژن و ئوتومبیلێگ بومبڕێژكریاگیش بتهقننهو.
حهدیسه یهكێگ لهو شارهیلهسه ك جارێ ها له ژێر كۆنترۆڵ حكوومهت عراقی، ههرچهن ك تيرۆریستهیل ناوچهیل دهوروهر شارهگه داگیركردنه.