بەرزەوبوین نرخ دۆلار لە بەغداد و هەولێر وگەرد بەسیان بۆرسەیل

شەفەق نيوزــ بەغداد/ هەولێر

نرخ دۆلار ئەمریکی وەرانوەر دینار عراقی،  ئمڕوو سێشەممە،  لە بۆرسەی سەرەکی بەغداد پایتەخت و هەولێر بەرزەوبوی وەگەرد بەسان بۆرسەیل .

پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت رەسیە   168100 دینار عراقی وەرانوەر 100 دۆلار ئەمریکی.  کە شەوەکی ئمڕوو  نرخ دۆلار رەسیە 167900 دینار عراقی وەرانوەر 100 دۆلار ئەمریکی.    

پەیامنێرمان وتیش؛ نرخ فرووشتنی لە دوکانەیل بەغداد  رەسیە 168500 دینار عراقی وەرانوەر 100 دۆلار ئەمریکی، و نرخ سەنینی رەسیە 167500 دینار.     

لەهەولێر پایتەخت  هەرێم کوردستانیش نرخ دۆلار بەرزەوبوین وەخوەیدی، کە نرخ فروشتن رەسیە 167950 عراقی وەرانوەر 100 دۆڵار ئەمریکی، و نرخ سەنینی 167850 عراقی وەرانوەر 100 دۆلار ئەمریکی.