به‌غدا یه‌كم و هه‌ولێر دوێمه له ده‌ركردن بتاقه‌ێ هوشمه‌ند ئه‌ڕا ئاواره‌یل
ئه‌ندام لوجنه‌ێ په‌رله‌مانی كوچ و كوچبه‌ره‌یل ماجد شه‌نگالی ئمڕو ڕاگه‌یاند : 100 هه‌زار خانه‌واده‌ی ئاواره تائیسه كومه‌ك یه‌ك ملیون دیناریه‌گه نه‌سه‌ننه.
وه‌زاره‌گه وه‌ده‌ركردن به‌یاننامه‌ێگ و كل كردن كوپیێگێ ئه‌ڕا شه‌فه‌ق نیوز ووتگه : ده‌ركردن ئه‌و بتاقه‌یله ئه‌رَا ئه‌وه‌سه تا خانه‌واده‌یل ئاواره كومه‌كه دیاری كریایه‌گه بسینن ك له بووجه‌ی ساڵ 2015 ئه‌ڕایان له‌وه‌رچه‌و گیریاگه و ئه‌و كومه‌كه ته‌نیا له ڕێ بتاقه هوشمه‌نده‌گه خه‌رج كریه‌ێ .
وه‌زاره‌گه باس ئه‌وه‌یش كردگه ك تا 20 مانگ ئایار (( 327824 ) بتاقه‌ێ هوشمه‌ند داسه خانه‌واده‌یل ئاواره و پروسه‌گه وه‌رده‌وام ئه‌دێ تا سه‌رجه‌م خانه‌واده‌یل له سه‌راسه‌ر عراق ئه‌و كومه‌كه وه‌ربگرن.
زیاتر وتگه : زیاترین پارێزگا ك بتاقه‌ێ هوشمه‌ند له‌تێ به‌شه‌و كریاگه ، به‌غدا بوێه ك تائیسه ( 79158 ) بتاقه دریاسه ئاواره‌یل و له شوون به‌غدا هه‌ولیر ( 47244 ) بتاقه به‌شه‌و كردگه و كه‌ركوك له وه‌پله‌ێ سیًوم (41540 ) بتاقه له ناونی ئاواره‌یل به‌شه‌و كردگه.
ج ك
