" ئههلولحهق " دهس كرده پوێچهڵ كردنهوهێ بومبهگان داعش له باشوور تكریت
![" ئههلولحهق " دهس كرده پوێچهڵ كردنهوهێ بومبهگان داعش له باشوور تكریت](https://media.shafaq.com/media/archive/files/Archive.jpg)
2015-05-30T13:23:58+00:00
قسهكهر وهناو جمشتهگه جهواد ئهلتلێباوی لهێ باوهته وهشهفهق نیوز وتگه : ڕێكخراو داعش ههرچى كهفتگهسه وهردهسێ له ناوچهیل باشوور تكریت بومب ڕێژیان كردگه.
زیاتر وتگه : سهرجهم ئهو ناوچهیله ك له چهكدارهیل داعش پاكهو كریانه ههر له جاده تا درهخت و ماڵهگان بومب ڕێژ كریانه و ئاماژه كردگهسه ئهڕا ئهوهگ ، یهكهێ ئهندازیاری هێزهیل مقاوهمهت ئسلامی ، عهسایب ئههلولحهق دهس كردنهسه پوێچهڵ كردنهوهێ بومبهگان.
تلیباوی له درێژهێ قسهگانێ وتگه : یهكهێ ئهندازیاری تایبهت وهپوێچهڵ كردنهوهێ ماڵه بومب ڕێژ كریایهگان دو ڕێ زیاتر له وهردهم نهێرێ یا ئهوهسه بومبهگان پوێچهڵ بكهنهو و یهیش مهترسی گهوراێگ دێرێ ئهڕایان یا ئهوهسه ماڵهگان له دوێرهوه بتهقننهو ك ئهویش زهرهد ئهڕهسنێگه ماڵهگان.
باس ئهوهیش كردگه یهكهێ ئهندازیاری له ناوچهگه ئهرك لاوردن بومبهگان گردگهسه مل.
فهرماندهیی پروسهیل هاوبهش ، پاكهو كردن ناوچهیل باشوور تكریت له چهكدارهیل ڕێكخراو داعش ڕاگهیاندگه ك جادهێ دجێل – سا مهڕا – ئهبو غرێب – كهسارات – ئهلسمیلات – ئهلبو سایل – رفیعات – ئهلفهرحانیه – ئهلرمیلات – ئهلسبیحات – ئهلبوشهلهش – ئهلبو عهلول – كومهڵگای ئهمانه ئهگرێگه وهر.
ج ك