چين له‌ گامه‌ سه‌ربازيه‌گه‌ێ ئه‌مريكا هاته‌ جواو

شه‌فه‌ق نيوز/ چين له‌باره‌ى وجوود هه‌ردوگ كه‌شتيه‌ ئه‌مريكيه‌گه‌ له‌ ده‌رياى چين باشوور هاته‌ جواو دوياى ئه‌و روێداگه‌ ك كه‌فته‌و له‌و ناوچه‌ى ده‌رياييه‌ ك كيشه‌ له‌سه‌ره‌ له‌ناونى چه‌ن ده‌وڵه‌تيگ.

له‌ى باوه‌ته‌و، لو كانغ قسه‌كه‌ر وه‌ناو خارجيه‌ى چينى وت: ئه‌و هه‌ردوگ كه‌شتى ويرانكه‌ره‌ نزيكه‌و بوينه‌ له‌ ئه‌رخه‌بيل باراسيلز ك هاژير كۆنترۆڵ چين و هه‌ردوگ وڵات ڤێتنام و تايوانيش داواێ ئه‌كه‌ن.

ئاژانس هه‌واڵه‌يل چينى "شينخوا" ك شه‌فه‌ق نيوز ئاگادار بوێ ئه‌وه‌ ده‌رخست ك ده‌رياوانى چينى فه‌رمان داسه‌ ئه‌و هه‌ردوگ كه‌شتى ئه‌مريكيه‌ له‌ورا ده‌ربچن و نه‌مينن، ك وه‌و خاتريشه‌ هه‌ردوگ كه‌شتيه‌گه‌ قاو دريانه‌.