وڵاته‌يل يه‌كگرتگ و كۆرياى باشوور ده‌سكردنه مه‌شق سه‌ربازى
2018-04-01T07:31:00+00:00
شه‌فه‌ق نيوز/ كۆرياى باشوور و وڵاته‌يل يه‌كگرتگ ئه‌مريكى ده‌سكردنه ئه‌نجامداين مانۆڕاى هاوبه‌ش سه‌ربازى له‌ناونى خوه‌يان ك بڕيار بوى زويتر ئه‌نجام بگرێد وه‌لێ دويا خريا ئه‌را دوياى خول وازيه‌يل ئۆڵه‌مپى زمسانه‌و وازيه‌يل خاوه‌ن هه‌وه‌جه‌يل تابه‌ت له بيونغ تشانغ.
له‌ى باوه‌ته‌و، هووكاره‌يل ره‌سانن كۆرياى باشوو ئه‌وه ده‌رخستن ك له چارچيوه‌ى مانۆڕاى سه‌ربازى "فوال ئيجل" ك ئمڕوو ده‌سوه‌پيكردن مه‌شقه‌يليگ جيوه‌جى ئه‌كريه‌ێد له‌ژير ناونيشان ئه‌لته‌نين، ئه‌ويش وه به‌شدارى كه‌شتى ئنزال ئه‌مريكى "ئێڵ ئێتش-1" ك ته‌ياره‌يل جه‌نگ "ئێف-35 بى" هه‌ڵگرتگه.
جى باسه، هووكاره‌يل ره‌سانن يه‌يش ده‌رخستن ك ئه‌را يه‌كه‌مجاره به‌شدارى ئيچنه مه‌شقه‌يليگ ئه‌كريه‌ێد له كۆرياى باشوور.
