واشنتۆن هه‌ڕه‌شه‌ى سزاداين يه‌كلايه‌نى له توركيا ئه‌كا
شه‌فه‌ق نيوز/ واشنتۆن وشدارى دا توركيا له باره‌ى سه‌ندن سيسته‌م وه‌رگرى مووشه‌كى رووسى "ئێس - 400" و وت: ئه‌و كاره ئه‌دێده هووكار چه‌سپانن سزاى يه‌كلايه‌نى له‌بان ئه‌نقه‌ره بيجگه ئالشتكارى جوورايه‌تى له په‌يوه‌نديه‌يل دولايه‌نه.
وه‌يس ميتشل ده‌سميه‌تده‌ر وه‌زير خارجيه‌ى ئه‌مريكى ئه‌را كاروبار ئۆرپاو ئاسيا، وت: له‌ڕێ په‌يوه‌نديه‌يليگ وه‌ل وه‌رپرسه‌يل باڵا له حكومه‌ت توركى وه ئاشكرا باس كرديمنه ك سه‌ندن ئه‌و سيسته‌مه‌يل وه‌رگرى مووشه‌كى رووسيه ده‌رئه‌نجام خراويگ له‌لى ئه‌كه‌فێده‌و.
جى باسه، نوێنه‌ره‌يل روسياو توركيا له ديسه‌مبه‌ر 2017 ئمزا له‌بان ريككه‌فتنيگ قه‌رز كردن ئه‌را سه‌ندن "ئێس - 400" ك كادر ناوچه‌يى خزمه‌تكردنى بووه‌ێده رييه‌و و ريككه‌فتنيگيش ته‌كنۆلوجى ئه‌نجام دان له بوار په‌ره‌داين وه به‌رهه‌م سيسه‌تمه‌يل له توركيا.
