روسيا مووشه‌ك ئێس-400 ئه‌فرووشێده وڵاته‌يل يه‌كگرتگ
شه‌فه‌ق نيوز/ سيرغى تشيميزوف سه‌رۆك كومپانياێ "روستيخ" ئه‌را پيشه‌سازيه‌يل سه‌ربازى روسى، ئاشكراى ئه‌وه كرد ك روسيا ئه‌تويه‌نێد سيستم وه‌رگرى ئاسمانى له جوور ئێس – 400 بفرووشێده وڵاته‌يل يه‌كگرتگ له حاڵه‌تيگ ئه‌گه‌ر واشنتۆن مه‌يل سه‌ندنى داشوود.
تشيميزوف له ديمانه‌يگ وه‌ل رووژنامه‌ێ واشنتۆن پۆست وت: هويچ كيشه‌يگ له ديد ستارتيجيه‌و نيه‌و هويچ كيشه‌يگيش وه نسبه‌ت ئاسايش نه‌ته‌وه‌يى روسى نادوينم، به‌ڵكوو وه چه‌واشه‌وه ك ئه‌گه‌ر وڵات تواناى مقه‌يه‌تى بوار ئاسمانيه‌گه‌ێ داشتوود ئحساس وه ئه‌مان زياتر ئه‌كاو ئه‌وانه‌كيش نياز په‌لامار ئيچنه وڵاته ديرن دوجار هويره‌و ئه‌كه‌ن.
جى باسه، له جواو پرسياريگيش له‌باره‌ێ ئامانج ستراتيجى فرووشتن مووشه‌كه‌يل ئێس – 400 ئه‌را توركيا ك ده‌وڵه‌تيگه ئه‌ندام له ناتۆ، وت: ئێس – 400 سيستميگ په‌لامارى نيه، به‌ڵكوو سيستميگه وه‌رگرى و ئه‌تويه‌نيم بفرووشيمنه‌ى ئه‌مريكيه‌يل ئه‌گه‌ر مه‌يل ئه‌را سه‌ندنى داشتوون.
