ترەمپ: نرخەیل نەفت وە شيوەیگ وەختانە بەرزن و دویای وسیان جەنگ وەگەرد ئیران وە تونی داوەزێد
شەفەق نیوز - واشنتۆن
سەرۆک ئەمریکی دۆناڵد ترەمپ مەزەنەی داوەزیانیگ تون کرد لە نرخەیل جیهانی نەفت دەساودەم دویای وسیان رویوەڕویبوین سەربازی ناوەین واشنتۆن و تەهران، و کلکردن وزە لە ناوچەگە سەقامگیربوود.
ترەمپ لە قسەیل رووژنامەوانی راگەیان کە نرخەیل نەفت وە شیوەیگ وەختانە بەرزن، و وە شیوەی گەورەیگ لە ماوەیگ کوڵ داوەزێد تەنیا دویای وسیان جەنگ وەگەرد ئیران.
دیاری کرد، کەشتیەیل نەفتی هەس چەوەڕێ رەدبوین لە گەرووی هورمزن، و کار کەین لەبان دەرکردنیان وە زویترین وەخت، و دیاریکرد کەرت نەفت و گاز ئەمریکی سەدان ملیار دۆلار دەسەوەر کەێد وەمدوو ئەوزەڵسەنن لە خوەرهەڵات ناوەڕاس.
نرخەیل جیهانی نەفت، ئیوارەی پێرەکە جومعە، وە بڕ نزیکەی 3% بەرزەوبوی، ئاست 117 دۆلار ئەرا بەرمیلیگ رەدکرد لە خام برێنت، ئەرا یەکەم جار لە 19ی ئادار/ مارسەو، لە ناو بەرزەوبوین گرژییەیل لە بازاڕەیل وزە.
