بريتانيا هه‌وڵ رازيكردن ئۆرپا ئه‌ياد ئه‌را ده‌ركردن دبلۆماتكاره‌يل روسى
شه‌فه‌ق نيوز/ سه‌رچه‌وه‌يل خوه‌رئاوايى باس له‌وه كردن ك بريتانيا خوازياره قه‌ناعه‌ت وه ده‌وڵه‌ته‌يل يه‌كێتى ئۆرپا بكا له ماوه‌ى هه‌فته‌يل ئاينده ئه‌را ده‌ركردن دبلۆماتكاره‌يل رووس، ئه‌ويش له ئاكام ژه‌هراويكردن سيرغى سكريبال ئه‌فسه‌ر وه‌رين هه‌واڵگرى روسى.
له‌ى باوه‌ته‌و، ئاژانس "بلومبرغ" له زووان وه‌رپرسه‌يل بريتانى وت: بايه‌سه له‌بان جه‌هان و له‌وانه‌يش يه‌كێتى ئۆرپا ئه‌وه دربخه‌ن ك روسيا يه‌كه‌م ده‌وڵه‌تيگه مادده‌يل ژه‌هراوى گشتگير ئه‌را ئه‌عساب له ئۆرپا هاورده‌سه كار له كووتايى جه‌نگ جه‌هانى دويه‌م و نه‌به‌ياد وه‌بى سزا بمينێد.
جى باسه، يه‌كيگ له بژارده‌يليش ك بريتانيا تاوتوێى ئه‌كا وه‌ل هاوپه‌يمانه‌يلێ، ئه‌ويش مه‌سه‌له‌ێ ده‌ركردن گشتگيرى دبلۆماتكاره‌يل روسيه له باڵوێزخانه‌يل له گشت وڵاته‌يل خوه‌رئاواو بڕياره‌يش تريزا ماى سه‌رۆك وه‌زيره‌يل بريتانى له دانيشتن سه‌ران يه‌كێتى ئۆرپا له برۆكسل داوا له‌گشت سه‌ركرده‌يل يه‌كێتى بكا ك يه‌كه‌وبگرن ئه‌را روى وه‌ڕوێ بوينه‌وه‌ى كرده‌وه‌يل روسيا.
