برنت لەبان 110 دۆلار.. رخ لە شیويان دابینکردن نرخ نەفت وەرەو بەرزەوبوین چوود
شەفەق نیوز - وەدویاچگن
نرخ نەفت، ئمڕوو سێشەممە، بەرزەوبوینیگ توومارکرد، وەگەرد وەردەوامی رخەیل لە شیویان دابینکردن وزە لە خوەرهەڵات ناوڕاس، دویا ڕاپۆرتەیل باس لە پەلامارەیل کردن کە کەشتیەیل لە کەنداو وە ئامانج گریا، و حوسییەیل راگەیانن پەلامارەیل وەبان ئامانجه‌یل سعودی پەیوەنیدار وە بەشەیل وزە و فڕۆکەخانەیل و شوونەیل سەربازی. ئەنجامدریاس.
گرێبەسەیل نواوەختەی نەفت خام برنت 55 سەنت بەرزەوبوین توومارکرد، وە رێژەی 0.5%، تا رەسیە ئەرا 110.10 دۆلار ئەرا هەر بەرمیلیگ، لە وەختیگ کە نەفتەگە لە دانیشتن وەرین رەسیبوی ئەرا 110.70 دۆلار، کە بەرزترین ئاستە لە 20 ئایار گوزەشتە تا ئیسە.
هەمیش نەفت خام خوەرهەڵات تێکساس ئەمەریکای ناوڕاس لە تشرین دویەم (نوڤەمبەر) وە رێژەی 0.24% بەرزەوبوین توومارکرد ئەرا 103.91 دۆلار ئەرا هەر بەرمیلیگ، لە وەختیگ گرێبەس کانون یەکەم کە گورجترەکە وە بڕ 39 سەنت، یا 0.4% بەرزەوبوی، تا رەسیە ئەرا 98.93 دۆلار.
کۆمپانیای "کەیپڵەر" تایوەت وە وەدویاچگن کەشتیەیل راگەیان وەلای کەم 18 کەشتی کەفتنە وەر پەلامار لە ماوەی دوو هەفتە، کە هیشت رخداری جیوسیاسی لە بازاڕەیل نەفت بەرز بمینێد.
وەبان کەمەوکردن بڕیگ لە سزا و رسومتیل پەیوەنیدار وە روسیا وەلاەن ئەمریکا، تا ئیسە بازرگانەیل دۊزکەن لەبان رخداریەیل کەفتنە وەر پەلامارەیل ژیرخان وزە لە کەنداو ئەرا پەلامارەیل زیاتریگ.
