چەوەیلد

چەود مەی نییە وەلێ مەسم کەی

چ هاڵ خوەشیگ لەناو گیانم خەی

چەود مەی نییە وەلێ گرێدەم

چەود بێدەنگە وەلێ چڕێدەم

چەود چۊ ساقی هە بادە پڕ کەی

ئەقڵ و هووش و دڵ وە یەی خەمزە بەی

چەود دڵ نەیرێ وەلێ دڵبەرە

هەرکە دۊنێدەی ڕەنجێ بێوەرە

چەود دین نەیرێ یەی دینبەرێگە

یەێ بێخودایگە، یەی مەهشەریگە

نەماز ئەر خوەنم ها لە خێیاڵم

ڕووژە ئەر گرم بوودە زەواڵم

وای لەی چەوەیل خۊن وەپاکەرە

وەی دین خراوکەر، وەی ئیمانبەرە

شراو کۊەنەی هەفت‌ساڵاٰن خوەیە

وەی‌وەی گیراتر وە هەرچێ مەیە

‌

(رەزا جەمشیدی)

‌