م لە زنگانی چوە تواسم؟!
م لە زنگانی چوە تواسم؟!
بێجگە خاکێ ک° بنیشمە ناوی
براورد دڵتەنڰی ئێوارگان بگرم؟
م زانسم
هەر خۆەرئاوا، ڕووژێگە ک مرێدو
لە کیسم چوود
جوور چگن باوگم
وەختێ ک داڵگم گوونایل خوەێ ڕنی‌و
م یەتیم بۊم
م لە پرسەێ ڕووژەیل جوانمەرگەو تیەم
ڕووژەیلێ ک لە سۊک ئاسووەو
دەسێ ئڕامان تەکان دان‌و خەێوا بۊن
هۊچگە چەنە م دەسەزرانی نەنیشتگە
هۊچگە چەنە م خوەێ نەکۆشتگە
هــــــۊچگە
هــــــــــۊچگە
هــــــــــۊچگە...
ئەێ زنگانی تیەڵ!
زنگانی تِن!
م هیچ وەخت وە تنا نەڕەسیم!
وە خەمەیلم لە خەوەیلم گۆم نەۊن
هەر یە مەنگە
منەت ژیان بنەیدە سەرم
آیت_نامداری
منم نەسەوەێ هۊر ئێــــــواران
م دامەسەو لوو ژان شەواران
دڵگیر لە شوون بار ئـــــاسوان
چڕیمەو پێــــان، نـــــاتنەو زوان
ئێوارە چۊ شێت، ئاسوو دەر وە دەر
هەردگ وە یەکەو بان گـــرتن لە وەر
قۆڵپ ئرمسم داو دەر لە چەوان
منیش یەکێگم له هووز ئـــــوان
غفار_مرادپو
