له به‌تن زهنم ئاشووب وه پاسه
يا ڕه‌ب وه مه‌ستان باده‌ی ته‌هوورد
وه چه‌رخ گه‌ردوون جوور واجوورد
خوه‌د پنای ئميد گشت بی كه‌ساني
ڕازق مه‌رزوق ڕووزی ڕه‌سانی
خالق قادر گشت كائناتی
دژمن شرك و لات و مه‌ناتی
جه‌هان ئافه‌رين خالق جوودی
په‌ديد ئارنده‌ی سه‌رچشمه‌ی ڕوودی
بڕه‌س وه دادم بينای بان سه‌ر
دلم ها له خه‌وف گيانم له خه‌ته‌ر
وخوه‌د په‌نا به‌م له‌ی گيرو داره
له‌ی زولمه‌تكه‌ده‌ی جه‌هل شه‌واره
له به‌تن زهنم ئاشووب وه پاسه
له‌وح ئه‌عمالم پڕله خه‌تاسه
وه‌قه‌لعه‌ی گيانم نه‌فسم حاكمه
ئه‌عمالم زوال رووح پاكمه
بيوه‌س وه دژمن كاره‌يل خاسم
هرئان فشاری مه‌جرای هناسم
ئه‌گر خوه‌د نه‌كه‌يد ره‌حمی وه حاڵم
نوير ره‌حمه‌تد نايده و ناو ماڵم؟
وه‌سوه‌سه‌ی شه‌يتان و نه‌فس‌ئه‌ماره
وه زوال كيشيد رووح بيچاره
كه‌ريم كار ساز بينای بان سه‌ر
دڵم ئارام كه له خه‌وف خه‌ته‌ر
به‌ڵكم وه ڕاحه‌ت چه‌وه‌يلم بووسم
وه فه‌رمان حه‌ق قه‌تع بوود نه‌فه‌سم
