شنەی وا

شنه‌ێ واێ شەماڵ، هوونگی باخان

ڕیقەێ ڕاخووز کیەنی ئێڵاخان

قیژەقاژ قاژ، شاقەشاق کاوک

هاژەهاژ وا، ترنگەتانگ ئاو

چاروا وێنەێ وا، کوڕەیل قەێقاجی

دۊەتەیل پووشانە سوخمەێ ئەقراجی

ڕمەێ ماردەم کوڕەیل تەلار

دە نام ڕەمگەێ کەڵەیل خس قەلار

بڕێ دە کوڕەێل تیرەنازی کەن

بڕ ترەکیش جریت‌وازی کەن

دۊەتەیل دە توو پەردەێ شەرمەوە

نووڕن وەێ جەرخەێ جەم گەرمەوە

وە لەرزەیل پاێ پڕ دە پاونێ

خاتۊنێ پەسا کوورپە لاونێ

ژنەیل تەڕدەس وە شرین تەرزا

گاوس داوەسین وە سێ‌پاێ بەرزا

زەقەێ کیەر و وەرک، قاڕەێ گەل زای

گاوس ژەنیاگ، بایەێ ماس مای

ئێڵ هات وە ئێڵاخ، ئەسپاو دانریا

وێنەێ شەنەچیر، ماڵەیل ئەڵدریا

سەرتیل دانەویەک ڕز وەر و پێشت

ماڵەیل ئەڵدریان دە ژێرساێ مانێشت

زاهر سارایی