دوو پارچە شیعر

دەم چوو گوڵ باخێ لێو وە خەنەوە

تو   ئەزیزی   وەلاێ خوداو  بەنەوە

هەر کەسی تو  بۊنێ  هەر  بوودن لێوە

خوداخاس کردەس ئی شکڵ  و شێوە

خوەم ئەسیر وەدامد دەرچین مەحاڵە

خودا داسە پێد .ئی حوسن و جەماڵە

ئەزیزو   نازار  شێوەد   بێ  مەساڵە

یە  چۊ  هەنینە  ئی  شیرین  جەماڵە

سەوزە تو بەو یەی شەو بووە میوانم

تا چۊ گوڵ چۊزە بەێ باخ ژیانم

وە  سەمەر  بنیشێ  باخ  بووسانم

تا خەم و  پەژارە دەرچوو لە گیانم

سەوزە بەو تا گیان وەنەزر گیاندکەم

چۊ قوروانێ خوەم وە قورواند کەم

تا گیان وە قوروان باڵای جیراندکەم

گیان وە  قوروان باخ و بووساند کەم

 ئەلی میر سەفەری

‍

 ‍ گلارە..

تەرکم نەکەی گلارە،سەردە هەرچی شەوار

لە ناو ئی شار چووڵە دڵم هه، بیقەرارە

تامازرو گوپێ لە شوور شەراو لێود

ژیانەگەم وەبێ تو تیەڵە چۊ ژار مارە

یەی جارێتر بەوە ئێرە لە ژێر ئی وارانە

باوەش ئەڕام وا بکە خوڵکەم بکە دوارە

بۊشیدە مانگ کەڵهوڕ جاگەێ خوەدە خێیاڵم

دەردد وە ماڵ و مینگم ڕووژێ هزار جارە

نەتووریە وە خێیاڵم نچوو هەرگز وەبێ مە

تەک بەی وە شانم ئمشەو لە تێژی ئی شەوارە

هەنای توای بچیدن پا ڕەو نیەکەێ لە شووند

ئۊشێ وە مە نیەزانی گیانم گشتێ هه ژارە

مەهوەش سولێمانپووڕ    سووزان