دووبه‌یتیه‌يل باوه‌تاهیر
دڵم شیت و شه‌یداس، وێڵ له سه‌حرا
وه واێ عشقت، باڵ و په‌ڕم فه‌وتیا
وه من ویشی سه‌ور بکه سه‌ور
هه‌ر سه‌ور بی خه‌ڕگ کرده سه‌رما
وه‌ختای دڵ گریا، زوانم بێ ده‌نگ بی
برژانگم ته‌ڕ بی، ژاڵه‌ی سه‌وز نه‌وی
یه‌ی شه‌و یار نیه‌تی بوینمه‌ی وه خه‌و
له شانس چه‌و من لاله سه‌وز نه‌وی
ئه‌ی جوانی! به‌ڵا ره‌مزیگه له باڵاگه‌ت
جنون وسفیگه سه‌ر تا پا له سه‌وداگه‌ت
له سه‌نعه‌تکاری تۆ من گومان دیرم
وه دزیوه چه‌وه‌یلی بڕیته تماشاگه‌ت
ئه‌ر بکوشیته‌م وه په‌یکانت بێ باکی
له کویچه‌گه‌ت ئه‌ر بڕانیته‌م بێ باکی
یه‌ی تیکه دڵ دێری و نه‌یرم باک
دڵ عاله‌م ها له دامانت، بی باکی
ئه‌رێ ده‌رده‌گه‌م و ده‌رمانه‌گه‌م دوسه!
ئه‌رێ وسڵ من و هجرانه‌گه‌م دوسه!
ئه‌ر چه‌قۆ بارین و که‌وڵ که‌ین له‌شم
چشتی قه‌د له گیانم جیا ناوده‌و دوسه!
وه‌هار هات، گوڵ وه خه‌یر تیری وه وای وه‌شت
سه‌رت خوه‌ش، سه‌رێ به‌رزه‌و بکه ئه‌ڕا گه‌شت
فره که‌س چین و فره مانه‌و، فره که‌سیش تیه‌ن
هه‌مان کویه‌س، هه‌مان بیاوان، هه‌مان ده‌یشت !
