خوەراوا

خوەراواسەو دڵم پڕپڕ لە هەسرەت

نەوار قەڵب م تنیدن هەقیقەت

چەوەیلد مەتەڵن یا کەس مەزانن

بژانگد عاشق جاێ کەڵ وەزانن

وە نازەو کەم بخەن هە نەۊنن وە چەو

تو ماڵد ها لە کوو مینیدە چەو چەو

خوەراواسەو شرازۊلوو چەوەیلد

دڵم قڕچێ عه‌زیز بۊنم خەنەیلد 

چەوەیلد عاشقن ناود نیه‌زانم 

خوەراواسەو من و دەڕد گرانم 

دڵم بێ تاقەتەو پەڵپد گرێدن

چمانی کوورپە کەڵ لە کەڵ بڕیدن

چەوەیل هارن و شێتن چۊ باڵات

بەهاری گەن دچارو هەرکە ها لاد 

قەرار بێ قەرارم  یار دۊرم  

شکار نەوبەهارم دووسد دێرم 

خوەراواسەو خەیاڵد ها خەیاڵم 

خوەراواسەو مەهاڵە ناود نارم 

ئەحمەد پووڕئاقا ( م.پاییز)