تۊله جەیران
دەم جوور پەڕهی گوڵ مل چۊ کەلهی قەن
قەبوولیت بیسه وە لای ئەهل فەن
ئارایش بکەین وە نەحو ئەحسەن
کەس نمهتوینێ وە تو بۊشی گَەن
چۊ تۊله جەیران چیەمت رەنگینه
سایه سووڵ ئاسات و سەر سەنگینه
تو ئەژ قەوم کورد با فەرهنگینه
وە گەرد هوورەو مانگ هەر دو جەنگینه
کەس چۊ تو نییه وە دەورت گەردم
هەم دەردم توین هەم دەرمان دەردم
وە عام عەیانه ڕوخسارهی زەردم
بێ خود گووشه مەین وە قسەی مەردم
خودا مەزانێ چۊ قەن شیرینین
مەر مووشین عازم پاێ بێستۊنین
ئەر وێنەی وژته نام جامەکیر بۊنین
فریشتهی سەما ڕۊی سەرزەمینین
من بوومه خڕ دەم چۊ قوڕی چینت
چەرخ چیەمەل شێت هاز ئەر دڵ سێنت
ڕزایەت وە عشق قسهل شیرینت
بیەسه بادیگارد وە باوان چینت
شاعێر رزایەت ڕزایی سەرجووبی
