بی مەلویچگ

تا که‌ێ بخه‌يمه شانا شاڵه‌يل بێ مه‌لۊچگ!؟

يا گه‌‌ر چه‌نێگ بگريم تاڵه‌يل بێ مه‌لۊچگ!؟

چه‌ن ساڵه‌ ئێ  هساره ‌بوو  باڵ و په‌ڕ نێه‌ێدن 

بڕمێ هسار به‌رز ماڵه‌يل بێ مه‌لۊچگ!

هه‌ر شه‌و خه‌ێاڵ سه‌وزد باڵه‌يله‌گه‌م جه‌ڕه‌و ده‌ێ 

هايدن له کوو هساره‌ێ ساڵه‌يل بێ مه‌لۊچگ!؟

تا که‌ێ مه‌داد زمسان ئێ ئاسمانه‌ نۊسێ!؟

تا که‌ێ شه‌وار سه‌ردن حاڵه‌يل بێ مه‌لۊچگ!؟

«هووز نيه‌زانم» ئمشه‌و نخشه‌ێگ ئڕاێ ت کيشن 

هه‌ێ دڵ مه‌که‌ف له‌ قۊلی چاڵه‌يل بێ مه‌لۊچگ!

هه‌ێ دڵ خوداێ ت گه‌وراس! نايدن وه ‌ته‌نگ دوواره 

بوونه ڕه‌فيق سيمۆرغ  زاڵه‌يل بێ مه‌لۊچگ!

جەلیل ئاهەنگنژاد