به‌‌و شادم كه‌‌ره‌‌و

یه‌ ‌شه‌‌رت خومه‌‌و وه‌‌ مه‌‌رج و گه‌‌ره‌‌و

ترسم له‌‌مه‌‌كریگ جویر مه‌‌كر خه‌‌سره‌‌و

به‌‌وشادم كه‌‌ره‌‌و

قوڵه‌‌نگ سه‌‌نگ تاشین هاوردمه‌‌سه‌‌و

ڕى تیه‌‌ریكه‌‌شه‌‌و ڕووشن بكه‌‌ره‌‌و

جویر ئشق فه‌‌رهاد شیرین دى وه‌‌خه‌‌و

به‌‌و شادم كه‌‌ره‌‌و

گه‌‌نى نه‌‌كردمه‌‌ بخه‌‌ره‌‌مه‌‌  وه‌‌رچه‌‌و

جویر كه‌‌ف ئاو تاف كه‌‌فتمه‌‌سه‌‌ سه‌‌ره‌‌و ‌

په‌‌سا تیه‌‌ویه‌‌مه‌‌و به‌‌و گردم كه‌‌ره‌‌و

به‌‌و شادم كه‌‌ره‌‌و

هه‌‌ساره‌‌م كیشیاس قاپییگ بكه‌‌ره‌‌و

سایه‌‌كى نه‌‌یرم هامه‌‌ وه‌‌رخوه‌‌ره‌‌و

دره‌‌خته‌‌یل سوزنم وشكم نه‌‌كه‌‌ره‌‌و

به‌‌و شادم كه‌‌ره‌‌و

ئه‌‌را بسوزم وه‌‌ یه‌‌ك تره‌‌و

جى سه‌‌رفرازیگ ئه‌‌رام بخه‌‌ر‌ه‌‌و

قورتارم بكه‌‌ له‌ ‌په‌‌ژاره‌‌ى شه‌‌و

به‌‌و شادم كه‌‌ره‌‌و

من نه‌ فارسم و نه‌‌یش ‌تورك نه‌‌ عه‌‌ره‌‌و

فره‌‌نجى له‌‌وه‌‌رم مشكى وه‌‌سه‌‌ره‌‌و

قوته‌‌ى دوشمن باى خوه‌‌م چمه‌‌ وه‌‌ره‌‌و

به‌‌و شادم كه‌‌ره‌‌و