٩٠% جبه‌خانه‌ی ئه‌تۆمى له جه‌هان موڵك ئه‌مريكا و روسياس
په‌يمانگه‌ی ناوبرياگ له راپۆرته‌گه‌ی ك(شه‌فه‌ق نيوز)ئاگاداری بوی وت: شماره‌ی ئه‌و مووشه‌كه‌يل سه‌ر ئه‌تۆميه له جه‌هان له سه‌ره‌تای ٢٠١٥ ره‌سيه‌سه ١٥٨٥٠ سه‌ر، ك ئمساڵ هه‌وڵ لاوردن چه‌ك قه‌يه‌غه‌كرياگ فريه كز بويه وه به‌راورد وه‌ل ساڵه‌يل گوزه‌يشت.
هه‌ر وه‌و خاتريشه وه‌رپرسيارێتی داوه‌زانن شماره‌ی سه‌ره‌يل ئه‌تۆمی له جه‌هان وه پله‌ی ئه‌كه‌م ئه‌كه‌فێده بان وڵاته‌يل يه‌كگرتگ و روسيا، چوينكه ٧٢٦٠ و ٧٥٠٠ سه‌ر ئه‌تۆمی ديرن، ك يه‌يش ئه‌كاده ٩٠% جبه‌خانه‌ی ئه‌تۆمی له جه‌هان وه‌گشتی.
راپۆرته‌گه باس له‌وه‌يش كرد باقی ئه‌و ده‌وڵه‌ته‌يله ك چه‌ك ئه‌تۆمی ديرن و وه‌ياسايی دگان وه‌پيان نرياگه پيكهاتنه له: چين(٢٦٠ سه‌ر ئه‌تۆمی)، فره‌نسا(٣٠٠ سه‌ر)، بريتانيا(٢١٥)سه‌ر.
له‌ی باوه‌تيشه‌و ك هه‌رچه‌نی جبه‌خانه‌ی باقی ده‌وڵه‌ته‌يل فريه كه‌متره، وه‌لی وه‌ل ئه‌وه‌يشا باس له‌وه‌يش ئه‌كريه‌يد ك دوير نيه جبه‌خانه‌ی هند ك له‌ناونی ٩٠ تا ١١٠ سه‌ر ئه‌تۆميه و پاكستانيش له‌ناونی ١٠٠ تا ١٢٠ سه‌ره زياتره‌و بوون، يه‌يش له‌وه‌ختيگ ك ئسرائيل(٨٠) سه‌ر ئه‌تۆمی ديريد و خه‌ريك دروسكردن مووشه‌ك تازه‌ی دويربڕ باليستيه.
په‌يمانگه‌ی ستۆكهۆڵم ئاماژه وه‌يه‌يش داگه ك به‌رنامه‌ی ئه‌تۆمی سه‌ربازی كۆريای باكوور ها ناونی ٦ تا ٨ سه‌ر ئه‌تۆمی و يه‌يش خه‌ريك په‌ره‌داينه له‌ڕوی ته‌كنيكی، وه‌لی زه‌حمه‌ته بزانيد په‌ره‌داين وه‌پی تا چه‌نيگه.
په‌يمانگه‌ی ستۆكهۆڵم جه‌خت له‌وه‌يش كرد ك شه‌فافيه‌ی ده‌وڵه‌ته‌يل له‌باوه‌ت جبه‌خانه‌يليان جوور يه‌ك نيه‌و جياوازی ديرن، وه‌لی وڵاته‌يل يه‌كگرتگ شه‌فافيه‌ت تره له‌ی بواره‌و، يه‌يش له‌وه‌ختيگ فره‌نساو بريتانيا بريگ زانياری له‌باوه‌ت جبه‌خانه‌يليان ئاشكرا نه‌كردنه.
وه‌لی روسيا پشت وه شه‌فافيه‌ت به‌ساگه له‌ی باوه‌ته‌وه‌و گفتگوو وه‌ل لايه‌ن تر ناكا، له هه‌مان وه‌خت وڵاته‌يل يه‌كگرتگيش بڵاوكردنه‌وه‌ی زانياری وسانگه له‌بان توانای ئه‌تۆمی روسی و چينی.
دوياخريش ده‌وڵه‌ته‌يل ٥+١ ك هه‌ر په‌نج وڵاته‌يل هه‌ميشه ئه‌ندام ئه‌گريده‌و له ئه‌نجومه‌ن ئاسايش ناوده‌وڵه‌تی و خاوه‌ن گه‌وراترين جبه‌خانه‌ی ئه‌تۆميين له جه‌هان بيجگه ئه‌ڵمانيا، ده‌سكردنه‌سه گفتگوو وه‌رده‌واميگ وه‌ل ئيران له‌باوه‌ت به‌رنامه ئه‌تۆميه‌گه‌ی، ك ئه‌ويش وه‌خاتر رازيكردنی تا واز باريد له‌و هه‌وڵه له‌وه‌رانوه‌ر لاوردن سزای ناوده‌وڵه‌تی له بانی ك ته‌نگ وه ئابووريه‌گه‌ی هه‌ڵچنيه.
ج . أ
