ئەو ملیاردێر ئەمریکیە ک وەگەرد کوڕەگەی لەناو ژیردەریایی گومابویەگە رزگار بوی.. چە بوی و چوین بوی

کورسییەیل بلوم و کوڕەگەی ئەرا شەهزادە داود و سلێمانی کوڕەگەی (١٩ ساڵ) چگە، کە وەگەرد ٣ کەستر لەناو ژیردەریاییەگە کوشیان.

 بلوم بڕیگ نامەی کوڵ بڵاو کرد کە وەگەرد ستۆکتۆن ڕاش، وەڕێوەبەر جیوەجیکار کۆمپانیای ئۆشن گەیت ئێکسپێدیشنز ئاڵوگووڕی کردیە، کە هاووەخت یەکیگ بویە لەو ٥ کەسە لە کارەساتەگە کوشیان.

 راش تەقەلا کەێد بلوم ڕازی بکەێد تا بەشداری لە گەشتە ژیردەریاییەگە بکەرد ئەرا تەماشاکردن ویرانبوین کەشتی "تایتانیک"، و هەمیش نرخەگە ئەرا ئەو ملیاردێرە داوەزان، بەڵام یەی وەپی وتیە کە کوڕەگەی لە گەشتەگە ترسێد و لەوەر بڕیگ هوکار کە رخی لە بیوەیی ژیردەریاییەگە هەس.

 چە لەناو ئەو کوڵە پەیامەیلە بویە؟

 لە ٣ی شوبات، راش وە بلوم وتیە کە ژن و شوییگ ناسێد کە ئارەزوو گەشتەگە دیرن، پرسیار لەلی کردگە کە ئایا بلوم بڕیار داگە وە ژیردەریاییە وەگەردیان لە مەوقەی گونجیاگ بچوود.

 بلوم لە وەڵامەگە وتیە: برادەر کوڕەگەم بریگ لێکۆڵینەوە کردیە لەبان ئەوە چشتەیل بەدە ک شایەت بوود، و نیگەران بویە، تەقەلا دەم قسە وەردی بکەم، من خوەشهاڵم بچمە بەڵام لە مەترسییەیل رخم چوود.

راش: وە خۆشحاڵیەوە نوام تەلەفۆنی (کوڕەگە) بکەم وە ڤیدیۆ،  دڵم قرچێد بزانم چە لەو مەترسیەیلە باس کەێد، تا بزانم راسە یا خەیاڵیە.

  بلوم: "کوڕەگەم لێکۆڵینەوە لە ژیان دەریایی لەو قویلاییە کردیە و مەترسییە ئەگەرییەیل  ژیردەریاییەگە ک هاتی ماسی گەپیگ پەلامار ژبردەریاییەگە بەێد، یا چەن چشتیگ لەی گەمژاییە.

راش: "وەڕاسی فرە کەمژاییە، زیاتر لە 100 ملیۆن پاوند زوور، هویچ ماسییگ گەورە یا ئاژەڵیگ دەریایب نیەتوەنێد هەڕەشە لە ژیردەریایی بکەێد، خو یە لە هەلیکۆپتەر ئارام و بیوەیترە.

 راش: "لە ماوەی 35 ساڵ چگن ئەرا بن دەریا وە ژیردەریاییە ناسەربازییەیل یەک کەس بریندار نەویە.

لەو بەشەیل پەیامە کوڵەیل، راش چەن جاریگ رک گرێد و هەر پرسیار لە بلوم کەێد کە ئایا بڕیار داگە بەشداری لە گەشتە ژیردەریاییەگە بکەێد، و خەێدەی نوای تەمای کەمکردن نرخ گەشتەگەی، کە وە ٢٥٠ هەزار دۆلار ئەرا هەر کەسیگ مەزەنە کریەێد.

لە پۆستیگ فەیسبووک، بلوم هویردەکارییە رویداوەگەی ئاشکرا کرد و وت: لە مانگ شوبات ستۆکتۆن داوا لە من و شۆنی کوڕەگەم کرد کە لە مانگ ئایار وەگەردی بچیمن ئەرا گەشتیگ ژیردەریای ئەرا کەشتی تایتانیک.

جی باسە کە دوو گەشتی ژیردەریایی کە بڕیار بوی لە مانگ ئایار ئەنجام بیریەێد، وەمدوو بەدی کەشوهەوا دویاخریا، هەرلیوا،  ژیر دەریایی تا ١٨ی حوزەیران دویاکەفت، کە مەقەی ئەو گەشتە بوی کە کارەساتەگە وەخوەی دی.

 وتیش: دڵنیام وەڕاسی باوەڕ وەو چشتەیلە داشتیە کە وت، وەلی هەڵە بوی، فرە باوەڕ وەو چشتیلە داشت کە کردیاد.

دوایین جار لە سەرەتای مانگ ئازار بلومی دیە، هەنای چینە پێشانگای هۆتێل "تایتانیک" لە لاس ڤێگاس ئەرا نانخواردن نیمەڕو.

 لەی گردەوبوینە، بلوم وت: " مەوقەی نانخواردن نیمەڕو لە یاریگای خواردن باس لە ژیردەریایی کردیمن و باس بیوەیی کردیمن، ئەو وە تەواوی قەناعەت وەو چشتە داشت کە سەلامەتترە لە رەدبوین وەناو جادە، ئەلبۆمیگ دادەپیم  و واژوو  و پۆڵەوە - هێنری نارگۆلێت لەبانی بوی، دوو لە پەنج کەسە ک دویایی لەناو ژیردەریاییەگە بوین. 

وتیش: وە راش وتیە "نیەتوەنێد تا ساڵ ئایندە بچوود، لەوەر خشتەی کارەگەی".

 وتیش؛ کورسییەیلمان ئەرا شەهزادە داود و کوڕە 19 ساڵانەگەی سلێمان داود بویە، کە دوو لەو پەنج کەسەیل لەی گەشتە گیانیان لەدەسدان.

باس لەوە کریەێد کە راش "نرخ کۆتا خولەک" پێشکەش وە بلوم و شۆن کوڕەگەی کردیە کە 120 هەزار لیرە بویە، لەبڕ نرخ ئاسایی 195 هەزار لیرە (250 هەزار دۆلار)، یەیش جویر تەقەلایگ ئەرا رازیکردنی لە بەشداری، بەڵام دویەمیان ناڕازی بویە.

 وەو قسە، کورسی و کوڕەگەی ئەرا بازرگان شەهزادە داود و کوڕەگەی کە وە شیوەیەیگ کارەساتبار شانوەشان مینەکردن بەریتانی هامیش هاردینگ و پۆڵ هێنری نارگۆلێت شارەزای "تایتانیک" فەرەنسی و خود راش گیانیان لەدەسدان.