هونه‌رمەنیگ عراقی یەهودی لە پێشانگایگ فەرەنسی گەنجینەیل عراق زنیەو کەێد.. وینە

 هونه‌رمەنیگ عراقی یەهودی لە پێشانگایگ فەرەنسی گەنجینەیل عراق زنیەو کەێد.. وینە
2022-06-08T09:06:06+00:00

شەفەق نیوز/ هونەرمەنیگ ئەمریکی لە بنچینەی عراقی یەهودی، وە تابلۆیلی، پارچەیلیگ ئاسەواری دروس کرد ک عراق لەدەسیان دا و کەفتە دەس داعش وموزەخانەیل خوەرئاوایی، ئەوەیش لەڕی وەکارهاوردن گەناڵخەی دوارەکریاگ و کارتۆن خوەراک وکاغەز رووژنەمەیل.     

راپۆرتیگ لەلایەن رووژنامەی "لۆکسمبۆرگ تایمز" وە زوان ئینگلیزی، ئاژانس شەفەق نیوز ئەڵگەردانی کرد وت: وەبی سومبل شارستانیەیل، ئاسه‌وار هۊرمان ئەرا نەوەیل هاتگ گوما بوود، و پێشانگای هونەرمەن ئەمریکی لە بنچینەی عراقی "مایکڵ راکوفیتز" لە شار میتز فەرەنسا، دوواره‌ پارچەیلیگ ئاسەواری دروس کەێد ک لە مۆزەخانەی نیشتمانی بەغداد تاڵان کریانە، وکەفتنە وەر ویرانکردن لەو ماوەی توندوتیژیەیل دویای داگیرکردن ئەمریکا لەساڵ ٢٠٠٣.      

راكوفيتز کارەیل هونەریی لە تابلۆەیل وە دەسمیەتی زیاتر لە ٣٠ هونەرمەن پێشکەش کەێد، ک لەناویان دواره‌ شیوەی ئی پارچەیل ئاسەواری گومابویە کیشا، وەکارهاوردن چشتەیلیگ لە گەناڵخەگە، ک سەرسام تەماشاکەر کەێد.      

پێشانگاگە لە ناوەند فرانک لۆرین ئەرا هونەر سەردەم لە شار میتز سازیەێد، ک ئەو تابلۆیل گەورەیە نمایش کەێد ک ئەرا نموونە کۆشک ئاشووری رمیاگ ئەرا نەمرود لە شار مووسڵ نشان دەێد، و تابلۆگە ک مینێدە قالی دیوار، شیوەیلیگ کنارەدار لە قاتەیلیگ لە کارتۆن خوەراک جویر شۆربای مامر ماجی، و قوتی دووشاو، و شیرینی جیلی تۊ وجاجگ وچای.      

راپۆرتەگە وت: ئیجویر کارەیلیگ هونەری کەسیگ خوەرئاوایی خەێدە شوین کەسیگ عراقی لەناو مۆزەخانەیگ عراقی وەرجە رووژ ویرانکردنی وەدەس داعش، وتیش؛ فرەی ئەو پارچەیل ئاسەواریە ک لەی تابلۆیلە زنیەو بوین، کەفتنە موزەخانەیلیگ لە دەیشت عراق و نمایش کریەن.      

راپۆرتەگە وتیش: ئەو پارچەیل ئاسەواریە ک ئیسە هانە پێشانگایلیگ خوەرئاوایی، نشان چەواشەیگ ناوبەین هویر ئەو کووچبەرەیلە ک جویر "بیگانە" دریانە قەڵەم، وەگەرد هویر ئەو چشتەیل ئاسەواریە ک وەکوتپڕ ماف نیشتەجیبوین لەی دەوڵەتەیل خوەرئاواییە کەفتە دەسیان، و دی جاریگتر ماف گلەوخواردن ئەرا میلکان خوەیان نەیرن.       

پێشانگاگە ناو جادەیگ میژوو گرێدە خوەی ک چوودەو ئەرا ساڵ ٥٧٤ وەرجە زاینی، و لە دەروازەی عشتار لە بابل کۆن رەد بویاد، بەشکی کەسیگ بوغرا وە ئاغا نەکریەێد.      

راکوفیتز ئویشێد: پێشانگاگەی جویر فریشتەیلیگ نشان دەێد ک رخ موزەخانەیل خوەرئاوایی دەن، باوجی دان وەوە دەێد ک مەحاڵە گوزەشتە خاسەو بوود.      

لەناو کارەیلی، راکوفیتز لە کارتۆن خوەراک، رێز لە ژیان قوربانیەیل جەنگ نەێد، ک هەمیش لە وڵات خوەیان واین، و یاد ئەو ئاوارەیل عراقییە ک گیانیان لەدەسدان،  وهەمیش نمایش پارچەیلیگ کریەێد ک ریخریاگ داعش لە شوینەیل ئاسەواری لە نەینەوا و نەمرود ویرانیان کرد.      

راپۆرتەگە وتیش: ئەو هونەرمەن ئەمریکیە، تا بتوەنێد پارچەیل گومابوی دیاری بکەێد، سەرچەوەیلیگ جویر ئەنتەرپوڵ و ئەنجومەن دەوڵەت عراق، وموزەخانەی نیشتمانی عراق وەکار تیارێد.

Shafaq Live
Shafaq Live