نێچیرڤان بارزانی خوەشی و سویر خەێد ناو ئێزیدیەیل

رۆڵ سەرۆک هەرێم نێچیرڤان بارزانی

حسێن کۆرۆ، وەرپرس فەرمانگەی کاروبار رفیاگەیل ئێزیدی لە هەرێم کوردستان، ئەرا ئاژانس شەفەق نیوز وت: لە پشت پەردەی پڕۆسەی ئازادکردن بووکەگە، سامیە سمۆ و هاوڕیەیلی، زانیاری رەسیە فەرمانگەگە ک شەش لە ژنەیل ئێزیدی هانە ناوچەیەگ دیاریکریاگ لە وڵاتیگ کە ناوی ناوردیە، ئەرا مقیەتیکردن بیوەیی  ئەو رفیاگەیل ک شایەت لە خود ناوچەگە بوون.

کۆرۆ وتیش: زانیاری لەباوەت بویین ئەو ژنەیل ئێزیدییە رەسانیەسە نویسینگەی نێچیروان بارزانی سەرۆک هەرێم کوردستان، ک رینمایی کردیە ریکار خوازیاگ ئەرا رزگارکردنیان و هاوردنیان ئەرا هەرێم جیوەجی بکریەێد.

وەرپرس فەرمانگەی کاروبار رفیاگەیل لە قسەیلی وتیش:  سەرۆک هەرێم فڕۆکەیگ تایبەت ئەرا شوین رفیاگەیل کل کرد، و وە زویترین وەخت، هاوردویانە هەرێم کوردستان، و دریانە دەس خیزان خوەیان.

 گلەوخواردن و سویر نوو

 کۆرۆ  ئاشکرا کرد ک چیرووک رزگارکردن رفیاگەیل خوەشی گلەوخواردنیان وەگەرد خوەی هاورد، هەرلیوا، خوەشییگتر لە سازدان ئاهەنگیگ سویر نوویگ ئەرا سامیەی رفیاگ کریا، ک لە ساڵ 2013 شوی کردیەسە دەخیل حەسەن، دویای ئەوەگ چیرووکیگ دڵداری لەناوەینیان لە ساڵ 2013  بویە، وەرجەیەگ داعش پەلامار  شنگال بەێد.

کۆرۆ وتیش: "9 ساڵ بەس بوی تا سامیە ئەرا باوەش دەخیل شویەگەی باێدەو، تا وانەیەگتر خوەیبەخشی و قوربانیدان بارنە ژیان، وتیش: چیرووک ژنە رفیاگەیل ئێزیدی دویای ئازادکردن سێ هەزار و 3668  لە بنچینەی 6417 ژن ئێزیدی رفیاگ لە ساڵ ٢٠١٤ەو کۆتایی نەهات.

سامیە سۆمۆ، وەناوبانگترین ژنە گەنج ئێزیدی، لە ساڵ ٢٠١٤ لە مەوقەی داگیرکردن شەنگال لەلایەن داعش وەگەرد خیزانەگەی رفیا،  لە دەخیل هێسۆ  شویی جیاوە بوود، ک لە رفاننەگە رزگار بویە و ئاوارە بویە ئەرا پارێزگای دهۆک.

سامیە ئەرا یەکەمجار لە ساڵ ٢٠١٣ لە شنگال هاوسەرگیری وەگەرد دەخیل کرد، لە ئاهەنگ سویریگ ک خیزان و کەسوکارەیل لە شنگال ئامادەی بوین، بەڵام دڵخوەشی ئەو دوو هاوسەرە لە ساڵیگ زیاتر نەوی، ئەراوە شویەگە بویە دیل ئازاریگ ک تا ماوەی فرەیگ ک رەسیە نۆ ساڵ، چەوەڕی فەرەج بوی وە ئازادکردن ژنە رفیایەگەی.

و لە ساڵ ٢٠٢٣ خەوەرەگە وەو شیوە هات ک وەگورەی دڵ کەشتیەیل بوی، تا ئیجا دەخیل بژنەوێد ک ژنەگەی لە چنگ داعش رزگار بویە، ئەو خەوەرە دویای نۆ ساڵ لە چەوەرییگ پڕ لە ئازار نائومیدی بوی لە گلەوخواردن سامیە،  تا سوپرایزیگ ئەرا گشتی هاتە دی، لە گلەوخواردن سامی لە رفیان.

و جاریگتر سامیە ئەرا باوەش شویەگەی و دڵخوەشی وەو خەون نووە گلەو خوارد. قەوم و دووسەیل و بنەماڵەی دەخیل حەسەن وە وەخشین خەرج مەراسیمەگە بڕیار دان ئاهەنگ سویر نوویگ ئەرایان بسازن.

ئاهەنگ گەورەیگ لە هۆڵ  خانکێ لە خوەرھەڵات دهۆک وە دەنگ مۆسیقا و گورانی وەڕیەو چگ، وە بەشداری سەدان کەس لە بنەماڵە و هاوڕێیان و وە پیرووزکردن  پیاوەیل ئایینی ئێزیدی ک بەشدار لە سویرەگە بوین، ئەرا پاڵپشتیکردن لە پەیام رەفتار مرۆیانە وەگەرد رزگاربوەیەیل.

 ئاهەنگ سویرەگە لەلایەن فەرمانگەی کاروبار رفیاگەیل ئێزدی سپۆنسەر کریا ک لەلایەن نێچیرڤان بارزانی سەرۆک هەرێم کوردستانەو سەرپەرشتی کریەێد.