مەحاڵی لەلای دڵنیا کەرکوکی نیە
شەفەق نیوز/ نەوین چەودیری کۆمەڵایەتی لەلایەن دەوڵەت، هیشت مەردمەگە پەنا بوەنە جوورا جور کارەگان، هەرچەن سەخت بوون، یا وەگەرد لەشیان نەگونجیەن، کارەیل فرە سەختیگ، ک خوەیان ئەرا پیاوەیل سەختن، ئیجا ژن چوین؟
دڵنیا دڵشاد، لە داڵگبوی ١٩٨٥، لە پارێزگای کەرکووک دانیشتگە، داڵگ دوو مناڵە، دویای مردن هاوسەرەگەی ئەرک داڵک وباوگ وەیەکەو هەڵگرد، تا دوو مناڵەگەی ئیوەت بکەێد.
دڵنیا دڵشاد ئەرا ئاژانس شەفەق نیوز ئووشێد: دویای مردن هاوسەرەگەم رەوشەیلم سەختەو بوین، و دەسکردمە کار و نەهیشتم هەژاری پشتم بشکنێد، من ومناڵەگانم دەسکردیمنە کار لەناو دوکان بویچگیگ ئەرا فرووشتن ئەناشتای شەوەکیان، و دویای بڵاوبوین ڤایڕۆس کۆڕۆنا نەتوێنستم کارەگەم تەواو بکەم، و پەنا بردمە کارەیلیگ تر جوور رەنگکردن ماڵەیل و شوفێری ماشینە قورسەگان.
دڵنیا هەمیش ئووشێد: تا ئارام گردم لە کار بیناکردن ماڵەیل، لە ساعەت ٥ شەفەق دەرچم تا وەخت دیریگ لە ئێواران تیەمەو ئەرا ماڵ، تا پویل ئەرا مناڵەیلم دابین بکەم و هەست وەکەمی نەکەن لە گشت لایەنەگان.
ودیاریکەێد: ک ئی بۆێریە و وەردەوامیە لە کارکردن وەبی هەست وە شەکەتی لە باوگم بردمەی، ک ئی جوورە نشانمان دیاد، لە فرە جوور کارەیلیگ لە خود وەختەگە کردیاد، ومنیش شانازی وەپیەو کەم، بەڵکم کۆمەڵگامان رەحم نێەکێد و رەخنەم کەن چوونکە لە مەیدان پیاوەیل کارکەم، ومن پاپای قسەیل مەردم نیەووم، تەنیا مناڵەگانم لەلام گرنگن.
هەمیش ئووشێد، لە چەن جاریگ دڵم ئەرا مناڵەیلم ژان کەێد، چوونکە ماف داڵگی وەپیان نیەم، بەڵکم من ناچارم تا ئیوەتیان بکەم، تا هەوەجەیان نەکەفێدە هەر کەسیگ.
