له واشنتون .. دروس كردن ههرێمێگ سوننى له وهراوهر تاڕانن داعش
![له واشنتون .. دروس كردن ههرێمێگ سوننى له وهراوهر تاڕانن داعش](https://media.shafaq.com/media/archive/files/Archive.jpg)
ڕافع عیساوی یهكێگه له سهركرده ناودارهگان سوننه ك تائیسه چهن پوستێگ باڵا وهدهسهو گردگه ، لهوانهیش وهزارهێ دارایی له سهردهم نوری مالكی و دویاخر دوچار كیشه وهل سهروك وهزیرهیل هات و له پوستهگهێ ئستقالهدا و چیه ناو عهشایر و گروپه مهدهنیهگان لاێهنگرێ.
یه دوێمین جاره ك واشنتون داوهت له عیساوى ئهكا سهردان ئهمریكا بكا و یهێش ئعترافێگه وهئهوهگ ك ناوبریاگ یهكێگ له سهركردهیل ناودار عهرهبهیل سوننهس.
سهردانهگه له وهختێگه ك كونگرس ئهمریكا بڕیار داگه ، عهشایر پارێزگا سونیهگان و ههریم كوردستان جیا له حكومهت مهركهزى پڕ چهكهو بكا و ێهیش كاردانهوهێ سلبى دژ وه واشنتون وهدی هاورد ك سهرهنجام ، ئهمریكا ناچار بوێ بوێژێ وهچاودێرى حكومهت بهغدا چهك ئهداته ئهو پێكهاته.
نوێسینگهێ عیساوى وهدهركردن بهیاننامهێگ ووتگه : له دیدار ناوبریاگ وهل ئوباما ، وهشێوهێ جددی باس له دروس كردن ههرێمێگ فدراڵى ئهڕا عهرهبهیل سوننه ئهكرێهێ ، ێیش ئاماژهێگه ئهڕا ئهوهگ له پشت پهرده باس ئهكرێهێ ، ئهویش فهراههم كردن نیازهیل ههرێم ئهنباره.
بهیاننامهگه له زوان عیساویهوه ئهێوژێ " سهرجهم كیشهگان وهل سهروك ئوباما و كونگرس باس ئهكریهێ تا چارهسهرێگ وهپهله ئهڕا ئهوهگ له عراق ڕوێ ئهیا وهتایبهت پارێزگا سونیهگان پهیا بكرێهێ.
ههرچهن عبادی نهرمی فریهێگ ئهڕا نزیكهو بوێن له عهشرهته سونیهگان له خوهێ نیشاندا ، وهلێ ناكوكى تایفی ههمراێ تهگهرهێ گهپێگه له وهردهم پروسهى ئاشتی نیشتمانی ك عبادى كار ئهڕاى ئهكا.
عیساوی وهرجله دیدار وهل ئوباما ، له واشنتون ووتگه (گرنگترین نیاز ئێ قوناغه تاڕانن داعشه له پارێزگا سوننهگان و دویا كهفتن پڕچهك كردن عهشرهته سوننه و كوردهیل ، بارودوخهگه ئهوقهرهێتر خراوهو ئهكا وهتایبهت له نهینهوا و ئهنبار.
ئى لێدوان عیساویه رهنگدانهوهێ پشتگیری بهعزێ سهركردهیل سوننیه له پروژهگهێ كونگرس ، لهوانهیش ڕافع عیساوى.
وهگورهێ ڕاپورت ڕوژنامهێ قهبهس كوهیتی ، عیساوی و نوجێفی بهڵێن دانه خاك ئهنبار و پارێزگاگانتر له داعش پاكهو بكهن ئهگهر واشنتون پابهند بێ وه پشتگیری كردن عهشایر سوننه و پڕچهك كردنیان.
عیساوی و پارێزگار نهینهوا ئهسیل نوجێفى ، ڕوژ جومهێ گوزهیشته وهسهردانێگ كوتوپڕ رهسینه وا شنتون و ڕاگهیاندن حكومهت عراقی ئهو سهردانه وه مانورێگ ئهمریكی ئهڕا لهیهك ترازان كومهڵگاێ عراقی و چهسپانن ناكوكی تایفی له قهڵهمدان.