لە ٢٠٢١.. خوەیکوشتن ٦٨ پیاو و ٦ کوشیان وەدەس ژنەیلیان لە هەرێم کوردستان
شەفەق نیوز/ یەکێتی پیاوەیل کوردستان لە هەرێم کوردستان، ئمڕوو دووشەممە، راگەیان ٦٨ پیاو لە هەرێم کوردستان لەماوەی ساڵ ٢٠٢١ خوەیان کوشتنە، و ٦ پیاویش وەدەس ژنەیلیان کوشیانە، لە مەوقەیگ ک تۊێژینەوەکارەیل هووکارەیل زیایبۊن تونڕەوی خیزانی دیاری کردن و چەن چارەیگ ئەرای دانان.
بورهان عەلی فەرەج وەرپرس یەکێتی پیاوەیل ئەرا ئاژانس شەفەق نیوز وت: ٥٢١ سکاڵا لەلایەن پایوەیل لە ساڵ ٢٠٢١ دریازە دەس یەکێتیەگە، و ٦٨ پیاو خوەیان کوشتنە، و شەش پیاویش وەدەس ژنەیلیان کوشیانە، و یەیشە شمارەی گەورەیگە خریەێدە بان شامرەی قەربانیەیل رەگەزە ناسکەگە.
و دیاری کرد ک هووکارەیل زیایبۊن تونڕەوی لەبان پیاوەیلە لەوەر قەیران ئابووری و دارایی و قەیرانەیلیگ تر بوود.
وتیش: یاسای ئەحوال ک یەکسانی ناوبەین پیاو و ژن کەێد لە هەرێم، یەکیگە لە هووکارەیل بەرزەوبۊین توندوتیژی، ک پیاوەگە پابەند وە خەرج خیزانەگە کەێد، و ژنەگە لە مووچەگەی ئازاد کەێد.
فەرەج وتیش: نزیکەی ٥٠ پیاو ماڵ خوەیان هیشتنە جی لەوەر خراوی رەوش کۆمەڵگاییان وەرد هاوژینیان، و دیاری کرد ک سکاڵایل تونڕەوی لەلای یەکێتیەگە سکاڵای ناونەسەقە و تونرەفتاری و خیانەت هاوژینی و زوورکردن باوان ژنەگەس یا دۊرەوخستن لە ماڵە.
ئەو توندوتیژی لەشیە ک هالە ناونی ١٠ تا ١٥ لە ساڵیگ، وەشیوەی قاوداین پیاوە پیرەیل لەماڵ ئەرا نزیکەی ٣٥ تا ٥٠ رەفتار لەی شیوە تیەێدە وەردەم ئەو رەفتارەیلە ک وەرانوەر پیاو کریاگە، ولەبان ئەوە فەرەج هوشداری کرد ل وەردەوامی توندڕەوی شاێەت خیزانەگە بچەکنێد و هەڕەشەی دۊیارووژیان دەێد، و ئارەزوو گەنجەیلە ئەرا ژنخوازین کەمەو کەێد و تەڵاق فرەوە کەێد.
و دووپات کرد ک قەیرانەیل ئابووری و سیاسی وەگەرد دەور خراو ئەرا راگەیانن و نەمان یاسا هانە وەردەم ئەو هووکارەیلە ک هیشت توندڕەوی خیزانی وەگشتی و لەبان پیاوەیل وە تایبەت لە هەرێم کوردستان زیای بوود، وەگەرد رخیگ لەوە ک تونەڕەوی بوودە سیمایگ گشتی هەڕەشەی کۆمەڵگا و شیوەی خیزانی لە هەرێم بەێد.
کەم ئازی یاسا
پارێزەر عەدنان رەحمان ئەرا ئاژانس شەفەق نیوز وت: کەموکوڵی لە جیوەجیکردن یاسای شمارەی ٨ ئەرا ساڵ ٢٠٢١ ک تایبەت وە ناوبردن تونەڕەوی خیزانیە، هیشت تونەڕەوی زیای بوود، و یەیشە یەکیگە لاخاسترین یاسایل لە ئاست عراق و ناوچەگە.
هووکارەیلیگ تر ئەرا تونەڕەوی
لەلیلا تەها تۊێژینەوەکار لە باوەتەیل خیزان ئۊشێد: هووکارەیلیگ تر هەس ک هیشتن تونەڕەوی لەبان پایاوەیل زیای بوود، گرنگتریان وازبۊین هۊیر وە هەرەمەکی، و هەمیش سەرقاڵی کەسەیل خیزانەگە وەباقەتەیل تاکانە و چۊچانیان، ک هیشت هەر تاکیگ لەلیان سەریگ جیا بکەێد لە دەیشت ماڵەگە و یەسە ک وەپی ئۊشیمن؛ تووڕەیل شۆسیال میدیا، وەگەرد گومابۊن بڕوایی ناوبەین کەسەیل خیزانەگە.
شیوەیل نواگردن
ئینتیسار ساڵح تۊێژینەوەکار لە باوەتەیل خیزان ئۊشێد: زاقترین چارەسەریەیلە ئەوەسە ک هووشیاری خیزانی بڵاو بکریەێد، و گرنگی هەماهەنگی ئە رەسینەوە ناوبەین تاکەیل خیزان، و رێککەفتن لەبان رینمای پەروەردە لەناوبەین باوگ و داڵگەگە، و پەیاکردن شیوەیگ لە هاوسەنگی ناوبەین هەس و سەختی، و ناوبەین دووسی و رکداری، یا دووسی گونجیاگ و سیستەم چەسپیاگ، و ناوبەین ئازادی و رینما، وەگەرد دروسکردن ژینگەی گونجیاییگ وەگەرد دووسی و هاوکاری ناوبەین باوگ و فەرزەنەیل.
و داوای گرنگی رووشنهۊرکردن وەرجەوەخت ئەرا هاوسەرەیل وەرجە هاوسەرگیری کرد، و بایەتە هاوسەرەیلە نوای سەختیەیلە قە سەبر بگرن، تا واز لە ئەرکەگە نارن، و بایەتە هەر یەکیگ لەلیان کار خوەی بزانێد لە ئەرک و کاری.
