گەشتوگوزاری ئایینی لە عراق.. راسی نوویگ کە وە تەرخانکردن دارایی چەسپیایە

 پاپا فرانسیس لە سەرەتای مانگ ئازار ساڵ 2021 سەردان عراق کرد، گەشتەگەیش سەردانیگ ئەرا 5 شار لەناوی بوی، کە واتایگ میژوویی و ئایینی دیرن، ئەوانەیش بەغدا، نەجەف، زیقار، هەولێر، مووسڵ، و دەیشت نەینەوا، وە یەکەم سەردان لە میژوو وەلایەن پاپای گەورە ئەرا عراق دریا قەڵەم.

  قەش کەنیسەی کاسۆلیکی سەیدەت نەجات لە بەغدا، بولۆس زارا، وت: سەردانەگەی پاپا فرانسیس گاڵ بیانییەیل دا ئەرا سەردان عراق، لە ئەنجام ئی سەردانە چالاکییگ بوی ئەرا سەردان وێستگەیل پاپا، لە عراق لە ئوور و کلێسای سەیدەت نەجات و شوینەوارەیل و سەردانیگ پڕ بەرەکەت بوی، ئاسوو نوویگ وەگەر وڵاتەیل جەهان واز کرد.

زارا لە قسەیلی ئەرا ئاژانس شەفەق نیوز وتیش: وڵاتەگە ها نوای دەرفەت رەنگدانەوەی رووبەریگ ڕاستەقینەی عراق لەوەردەم وڵاتەیل جەهان هەس وە گرنگیدان وە کلێسا و مەزارگە و شوینە ئاینیەیل مەزهەبە جیاوازەیل عراق.

 تەرخانکردن دارایی

 لای خوەیەو سەرۆک دەسەی ئاسەواری و میراتی عراق، لەیس مەجید حسێن، وت: لەدویای سەردانەگەی پاپا ئەرا عراق، گرنگیدان وە لایەن گەشتیاری وەشیوەیگ وەرچەو زیای کردگە، وە لەوەرچەوگردن رەوش ئەمنی ئارام و گرنگیدان وە لایەن گەشتیاری، بەڵام بڕیگ ناوچە لە دەیشت دەسەڵات شوینەوارەیلن.

حسێن لە قسەیلی ئەرا ئاژانس شەفەق نیوز وتیش؛ فرە لە کلێسایل سەروە وەقف مەسیحیین و ئەوان خەم خاسەوکردنیان دیرن، هەرچەن هاوکاری لە ناوەین دەسەی ئاسەواری و وەقف مەسیحی لەی باوەتە هەس، جاروەجار تەرخانکردن دارایی نییە، ک ریگری خاسەوکردن بەشیگ لە کلیسەیل لەلایەن وەقف مەسیحی کەێد.

 ئەو وەرپرس عراقییە رینماییەیل ئاسانکاری ئەرا خاسەوکردن کلێسایل ئاشکرا کرد تا  لەوەردەم شاند سەردانکەر و حاجیەیل مەسیحی وە شیوەیگ شایستە دەربکەفن، یەیش بیجگە لە ڕگرینماییەیل هەڵکەنین و مینەکردن کلێسایلیگ کە شمارەی فرەیان ئەرا  میژوو کوینە گلەو خوەن.

لەی باوەتە، حسێن پەیاکردن بەشیگ لە کلێسا کوینەیل لە کەربەلا و تکریت لە سەڵاحەدین ئاشکرا کرد، لە هەمان وەختیش زوور لەوە کردە کە ئارەزوویگ هەس ئەرا کارکردن لەبان دامەزرانن شار گەشتیاری ئوور.

  بەرنامەیل گەشتیاری

 لەلای خوەییش، رەفیق ساڵحی ئەندام دەسەی روشنهویری و گەشتوگوزار و ئاسەواری و راگەیانن لە پەرلەمان عراق، دووپات لە کار دەسەگەی ئەرا کاراکردن کەرت گەشتیاری و ئاسەواری ئەرا گاڵداین گەشتوگوزار وەتایبەت گەشتیاری ئایینی لە ناو عراق کرد، چوینکە خاوەن مەزارگەی پیرووز و مەزارگەی ئایینی گرنگە.

 ساڵحی لە قسەیلی ئەرا ئاژانس شەفەق نیوز وتیش؛  ئارەزوو گورجکردن بڕیارنامەی شمارە 54 کابینەی ساڵ 2022 ئەرا پاڵپشتی گەشتیاری، و فەرمان دیوانی شمارە 41 ساڵ 2020 لە تاکە پەنجەرەی ڤیزەی وەناوهاتن هەس، و ئامادەکردن زەمینەیگ گونجیاگ ئەرا گەشتیارانی بیانی، هەرلیوا بەرنامەی گەورە و گرنگ هەس کە لەی چەن رووژ  بانانە جیوەجی کریەن.