سواڵکەرێل ... لە جادە ئەرا سۆشیاڵ میدیا
شەفەق نیوز/ پەێجەێل تۆوڕە کۆمەڵایەتیەکان پر لەو داواکار و پەنابردن ئەرا دەسمیەتی ئەو مەردمێلە لەوەر بیماری و باڕ مرۆیی سەخت بوینە، باوەجی ئی داواکاریەێلە لە فرت و فێل دویر نیین، چوینکە سواڵکەرێل ئی دیاردە لە راسیەوە ئەوەنێ ئەرا ژیانێگ ئەلکترۆنی لەبان تۆرەێل کۆمەڵایەتی، تا سوودیگ فرەتر لە کارەێلیان وەدەس بارن.
تۆیژەر کۆمەڵایەتی ئەحمەد محەمەد ئەرا ئاژانس شەفەق نیوز وت: "پەێجەێل تۆرەێل کۆمەڵایەتی پر بوویە لە داواکاری یارمەتیدان مەردمەێلێگ پێویستیانە، ئەی دیارەدە وەشیوەی تر وەپی ئۊشن ( سواڵکردن ئەلکترۆنی).
محمەد وت: "دیارە وەیجورە هویچی کەمتر لە سواڵکردن لە ناو جادە و کویچەێلە نییە، وە چەودێری وردێگ خوازێد، چوینکە فرەیان خوازینیان وە دەسمیەتی نییە، و بڕێگ وەلیان تۊیستنە وە سنگ بیمارێگ یان خوازین دیارکریاێگ بڕ پویل گەپێگ لە مەردم گردەو بکەن".
سوود بردن لە هەست سواڵکردن چەن جوڕێگ هەس ئەوەلگ فرەتر دیارە جوڵانەوەی هەست خەڵکە ئەرا یارمەتی دان خیزان هەژارەیلە شوین نیشتەجێبوونیان نییە یان چارە کردن بیمارێگ یان کەم ئەندامێگ، فرەێلیان چەن گرتە ڤیدیۆێگ بڵاو کەن و راپۆرتەێل پزشکی ساختە ها وەگەردی، چالاکوانی مەدەنی لەیلا تەها باس لەیەکەێد ئیشد جووڕێگە لە فرت و فێل.
لەیلا تەها ئەرا ئاژانس شەفەق نیوز باس کەێد، "فرەێلێگ لە حالەتێل سواڵکردنەێلە لەێ رووژەێلە لە تۆرەێل کۆمەڵایەتی روی دەێد جوورێگە لە فێڵ، چوینکە فرەێلیان خوازینیان وەپی نییە باوەجی جۊر پیشەیگ وەکاری تێرن و لەسەر توانای فێلکردن سواڵکەرێل لەبان مەردمەێل مینێد ک ئەو جورە قسەکردن و چیروکەێل ساختە وەکارتێرن تا بتوانن هەست و دڵسوزی مەردم وەرەو لای خوەیان بکیشن".
توێژەر کۆمەڵایەتی عومەر محەمەد پرسێد لەبان هۆکارێل ریداین وەو پەێجەێلە ک وازی وە هەست و سۆز مەردم کەێد"٫ داوا کەێد چالەودێرێگ بوود لەبان ئەو بارودۆخەێلە، هەروەها وەداچگن بکرێلیەێد تا ئاشکرا بوود ئەو کەسە وەراس پێوسی وە یارمەتیە یان کەسێگ فێلبازە". نواچگن شمارەیی
سواڵکردن دیاردەێگە وەرگەرد نواچین ژیان و تەکنەڵۆجیا پەرەسەنیە گەشە سیند وەگەرد پەرەسەندین تەکنەڵۆجیا نوو بوویە وە یەکێگ لە ئامێرەێل ئەرا نواچگن کارەگە.
ئەندازیار کۆمپوتەر جەعفەر عەزیر ک لەیەکێگ لە سەنتەرێل کار کەێد ئەرا ئاژانس شەفەق نیوز وت: فرە لە مەردم هەوڵ دەن بەد سوودگردن لەو زانست نوو تەکنەڵۆجیا بکەن ئەرا ئەوەی کارەێلیان پەرە وەپی بیەن بەشیگیان پەرە وە پیشەی "سواڵکردن" دێد وەراسی ئەو کەسی کار وە بان ئی جور پیشەێلە کەێد وەراسی تۊنستگە خاس سوود لە تەکنەڵوجیا وەربگرێد تا پەرە وە کارەگەی خوەی بەێد.
باس ئەوەیش کرد ئەرا کۆنتڕۆڵ کردن ئی باوەتە وشیاری کۆمەڵایەتی گەپێگ بوود، ئیجا بتوانرێد جیاکاری بکرێد لە نوان کەسێلیگ وەراس خوازین دیرن، و ئەو کەسیلە وە سنگ ئەو کارە فڕوفێل لە مەردم کەن و چەودیرێگ وە لایەن دەزگا دیارکریاێگ دابنرێد ئەرا ئەو پەێجەێلە گەشە وە سواڵکرد دەن.
