کیسە وەسەر.. تووڵەسنین کۆنەی تورک لە سەربازەیل ئەمریکی

شەفەق نيوز/ پۆلیس تورکیا،  بڕێ لە گەنجەیل نەتەوە پەرەس دەسگیر کرد، ک کیسە کردنەسە سەر سەربازیگ ئەمریکی، لە سەنین تووڵەی خوەیان لە رووداویگ لە ساڵ ٢٠٠٣ لە کوردستان عراق بۊیە، ئەمریکیەیلە وە سەربازەیلیگ تورک کردنەسەی، وەگورەی قسەی سایت "میدڵ ئێست مونیتۆر" بەریتانی.   

"مێدڵ ئێست مونیتۆر" لە راپۆرتەگەی ک ئاژانس شەفەق نیوز وەرگێرانی کردیە باس کەێد، یەکێتی گەنجەێل تورکی، رێکخریای نەتەوە پەرەس و کەمالیخوازەێگن بارگەی سەرەکیەگەی هالە ئەنقەرە، وێنەێگ بڵاوکردن ک  پیاوێگ کیسە لەسەر نیشان دەێد و چەن کەسێگ هانە دەوروگەردی.   

وەگەرد وێنەگە قسەیلیگ نۊسیاگە "رەخنە لە پیلانەیل هەڕەمەکی ئەمریکا و خاوەن کارەیل ئەمریکی،  وپەکەکە کەێد ک خوازن گیر تورکیا بارن".  یەکێتی گەنجەێل تورک باس ئەمریکا کردن وە " شکستهاور..بکوش نەتەوەێل ژیر دەسەیە" و لە بەیاننامەگە باس کرد تا یەکێتی گەنجان بمیند هۊیچ دەنگیگی ئەمریکا لە تورکیا ناژنەفنێد! سەربازەیل ئەمریکی ک دەسیان وە خۊینە نئتۊینن لە  تورکیا بگەردن.   

سایتە بەریتانیەگە دیاری کرد؛ تا بزوتنەوەی کۆمەڵە گەنجەێلە " تووڵەسەنینێگ بۊی ئەرا ئەو رووداوە ساڵ 2003 لە عراق  رۊیدا، وە ناو " رووداو  سەر پووشین"، هێزەێل ئەمریکی لەو ساڵە کۆمەڵە سەرباز تایوەتێل تورکیا لە باکوور عراق دەسگیر کردن ک سەریان وە کیسە پووشین ئەرا ماوەی 60 ساعات، دۆمای نارەزایەێل سەرۆک تورکیا، سەرۆک وەزیران ئەو وەختە رەجەب تەێب ئۆردوغان ئازاد کریان.   

لە راپۆرتەگە هاتییە؛ هەرچەن واشنتۆن وە داخەوبۊین خوەی ئەرا ئی رووداوە لە نامەێگ ئەرا ئەردۆغان ک وەزیر وەرگیری ئەو وەختەی  ئەمریکا نشان دا ک دۆناڵد رامسفیڵد کلیکرد، ڕووداوەگە  کاریگەری کردە پەیوەندییەێل ناونی ئەنقرە و واشنتۆن وە  فرە لە خەڵک تورکیا وە سووکایەتی گەپێگ  ناوی بردن، وەو مانایەی کیسە وەسەر نیشانەێگ شەرم و سەرشووڕیە.   

و سایتەگە دیاری کرد، لەو وەختەوە چەن جارێگ نەتەوە پەرەستەێل هەوڵدانە تووڵە بسینین وە ری  کیسە  وەسەرکردن سەرباز ئەمریکی ئی ڕووداوە لە ساڵ 2014 رۊیدا ئەو وەختە چەن ئەندامێگ لە یەکێتی گەنجەیل کیسە کردنە سەر ئەندامێگ لە تیم کەشتی جەنگاوەر ئەمریکی  " یو ئێس ئێس روس" لە وەخت گلەوخواردنی لە راهێنان ناتۆ لە دەریای رەش. 

چەن  تەقەڵاێگتر دریاگە لە ساڵ 2016 گەنج تورکێگ کیسە کردە سەر سەربازێگ ئەمریکی ک دڵنگ سەربازی پووشیبوۊی.   

باواجی ئی ڕووداوە وەرجە دوو ڕووژ بۊیە لە ناوچەی سارایبورنو لە ئەستەنبول، وەختێگ چەن کەسێگ لە یەکێتی گەنجان چەوەرێ دەرچین سەربازێگ لە کەشتیەگەی  " یو ئێس ئێس ماونت ویتنی" کردن ک بەشێگە لە هێز شەش لە کنار ئەو شارە وسیا بۊی ، ئەو کەشتییە لە دەریای ئیجە هاتۊید وە ئاراستەی دەریای رەش، دۆمای ڕووداوەگە پۆلیس ئستەنبوڵ 17 کەس لە گەنجێل تورکیا دەسگیر کرد.