راپۆرتیگ ئەمریکی ئویشێد پەلامارەیل گرووپە چەکدارەیل عراق لەبان ئیسرائیل جویر چز دەرزیە

راپۆرت گۆڤار "فۆربس" ئەمریکی، کە ئاژانس شەفەق نیوز ئەڵگەردانی کرد باس ئەوە کرد کە "دووشەممەی گوزەشتە، وەرخودان ئیسلامی لە عراق وەرپرسیارێتی خوەی لە پەلاماریگ لەبان ئیسرائیل راگەیان، هەمیش وەگەرد دووپاتکردن لەبان پەلاماریگ ئاسمانی لەبان شار ئیلات کەناراوی لە باشوور ئیسرائیل”.

وتیش؛ "ئی گرووپەیلە وەرجەیە لە سەرەتای جەنگ غەززەو خوەیان کردنە خاوەن پەلامارەیل بان ئیسرائیل، بەڵام دیارە پەلامارەگەی ئیلات یەکەم نموونەی پەلاماردان ئیسرائیلە لە عراقەو".

راپۆرتەگە لە زار بڵاوکردن بلۆگەر “هویرکردنەوەیل لەبان عراق”، جۆیل وینگ، نویساس؛ “وەرخودان لە عراق وەرپرسیارێتی خوەی لە پەلامار فڕۆکەی بێفڕۆکەوان لەبان ئیسرائیل راگەیان، ئیسرائیلیش پەلامارەگەی دووپات کرد بەڵام سەرچەوەگەی ئاشکرا نەکردگە”، وتیش؛ دد “ ئەوەگ دڵنیاس کە وەرخودان ئیسلامی لە عراق ئیلات کردە ئامانج” لە خاکی عراقەوە هاتیە”.

لە راپۆرتەگە وتیش "سوپای ئیسرائیل دووپات کرد کە 'ئامانجیگ ئاسمانی گوماناوی' لە خوەرهەڵات ئیسرائیلەو هاتگە و داد هەنگار فڕۆکە لە بنکەی دەریایی لە ئیلات  و زیان کەمیگ لەلی کەفتکە. و رووژیگیش وەرجە پەلامار ئیلات، وەرخودان ئیسلامی لە عراق راگەیان کە ئاواییگ لە ناوچەی باکوور جەلیل لە ئیسرائیل کردیەسە ئامانج وە فڕۆکەیگ بێفڕۆکەوانە، کە لە عراقەو هەڵسیاس.

لە راپۆرتەگە باس "پۆستیک فرەی میلیشیایل سەر وە ئێران کریاس، لەوانەیش فڕۆکەی بێفڕۆکەوان و مووشەک، و حوسییەیل لە یەمەن چەن جاریگ مووشەک و فڕۆکەی بێفڕۆکەوان وەرەو ئیلات وەشنن بەڵام فرەيان لەلایەن هيز دەریایی ئەمەریکا و لە بڕیگ جاریش، لەلایەن سعودیەو نواگیری کریانە". 

 لە راپۆرتەگە هاتیە، "ئەگەر ئەو مووشەکە یا فڕۆکەی بێفڕۆکەوانە لە پەلامار رووژ دووشەممەی گوزەشتە لەبان ئیلات وەکار هاوریاس، وەڕاسی لە عراقەو وەشیاس، ئەوە نشانەس ئەرا ئەوە کە توەنستیە خوەی لە وەرگری ئاسمانی سعودیە یا ئوردن قورتار بکەێد لە ریەگەی وەرەو ئامانجەگەی".

راپۆرتەگە وتیش "ئۆردن وە بەراورد وەرد سعودیە وەرگری ئاسمانیی سنووردارە، ئەوەیش وەهویرهاوردن کە عەممان داوا لە ئەمریکا کردوێد کە پاترییگ جویر MIM-104 پاتریۆت جیگیر بکەێد، دویای ماوەیگ کەم لە  جەنگ ئیسە لە غەززە".

هەرچەن راپۆرتەگە باس لەوە کردگە کە “پەلاماریگ فڕۆکەی بێفڕۆکەوان لە سوریاو ئەنجام دریاس و لە تشرین دویەم گوزەشتە لە مەکتەویگ لە ئیلات کەفتیەسە خوارەو، بەڵام ئیسرائیل وە زویوەزوی وەڵامی داسەو وە گورزیگ لەبان سوریا”.

لە راپۆرتەگە وتییشە "وەرخودان ئیسلامی لە عراق وەرجەیە راگەیان کە پەلامار حەیفا دانە، تەنانەت فڕۆکەخانەی ناودەوڵەتی بن گوریونیش لە تەلئەبیب، بەڵام وە پێچەوانەی پەلامارەگەی ئیلات رووژ دووشەممەی گوزەشتە، ئیسرائیل ئەو پەلامارەیلە پشتڕاس نەکردگە".

راپۆرتەگە لە زاری وینگ نویسیاس “وەرخودان عراق هەفتانە یەک یا دوو پەلامار فڕۆکەی بێفڕۆکەوان لەبان ئیسرائیل ڕاگەیەنێد، و ئەگەر ئەوە هەس ئی مووشەکەیلە لە عراقەوە وەشیانە، یان ئەگەری فرەترە لە سوریاو هاتنە، چوینکە نزیکترن، بەڵام یە یەکەم پەلامارە  کە لەو وەختەو من زانم وەڕاسی لە یەکیگ لەی پەلامارەیلە لەو شوینە  پشتڕاس کریانە.''

دویای ئەوەگ راپۆرتەگە وت: ئی پەلامارەیلە سنووردارن، پێشنیار ئەوە کەێد کە وەرخودان عراقی خوازێد پەیامیگ بڕەسنێد کە هاوشیوەی حوسییەیل یەمەن، ئەویش کاریگ وەرانەور جەنگ غەززە کەێد.

راپۆرتەگە ئەگەری وە دویر زانست کە ئیسرائیل وەنیاز وەڵامدانەوەی بوود وە پەلاماریگ لەناو عراق، و لە زاری وینگ نویسان:  “ئیسرائیل تووڵە نیەسینێدەو مەگەر لەدەسدان کەرەستەیگ وەرچەو یا زیان گیانی نەوود”، وتیش “ئەم کارەیلە جویر چز دەرزیە، و ئیسرائیل چشتەیل گەورەتر دیرێد کە بایەسە نیگەرانی بکەن.” ".

"فۆربس" راگەیان کە هەرچەن فرەیگ لەو میلیشیایلە کوتلەی سیاسی لە بەغدا دیرن، بەڵام عراق لە زویەو دژ ئەوە بوینە کە زەویەگەی بوودە مەیدان جەنگ ناوەین ئەکتەرە دەرەکییەیل، وەتایبەتی ئەمریکا و ئیران، وتیش؛ واشنتۆن پەلامار لە دژ ئیسلامییەیل وەرخودان لە عراق لە سەرەتای مانگ شوبات کردگە، دویای چەن مانگیگ لە پەلامار دوو لایەنی، ئیجا پەلامار فڕۆکەی بێفڕۆکەوان بویە مدوو کوشیان 3 ئەمریکی لە ئوردن”.

لە راپۆرتەگە باس ئەوە کریاس کە "ئیرنگە عراق لە کەفتیەسە فتراق خاوەندارێتی سیستەم وەرگری ئاسمانی پێشکەفتگتر و دویر مەودا".

وتیش؛ ئیسرائیل وەرجەیە لە ساڵ 2019 ئامانجەیل سەروە میلیشیایل پاڵپشتیی ئیرانی پەلامار داگە، بەڵام دیارە ئی پەلامارە یەکجار روی نەیانە، وەپێچەوانەی هەڵمەت ئاسمانی ئیسرائیل لەبان هیزەیل ئیران و هاوپەیمانە میلیشیایلی لە سوریا، کە لە ساڵ 2013 دەسوەپی کرد بەڵام وە شیوەیگ ئاشکرا زیاترەو بویە.

راپۆرتەگە لە زوان  وینگ نویسیاس “عراق ساڵانیگە تەقەلای سەنین سیستەم وەرگری ئاسمانی دەێد، کیچەڵەگەیش ئەوەسە کە هەر کوتلەیگ سیاسی خوازێد لەو وڵاتە بسینێد کە دووسی تواێد، و هەمیشە گەندەڵی هەس، ئەراوە هویچیگ ودەسیان نەکەفت”.

 لە کۆتایی وتیش، "هاتێ ماوەی چەن ساڵیگ یەک پەلامار ئیسرائیل لەبان هیزەیل حەشد شەعبی لە عراق بویە، بەڵام" بەغدا لەو وەختەو هویچیگ نەسەنیە.