راپۆرتیگ ئەمریکی… ٢.٥ مەلیۆن عراقی دەسمیەتی مرۆیی خوازێد

ئاژانسەگە لەی راپۆرتە ک ئاژانس شەفەق نیوز ئەڵگەردانی کرد، پشت وە بەیاننامەی نەتەوە یەکگرتگەیل لەبان عراق بەساد، ک ئەویش دووپات کرد ک ١٦١.٩٢٩ پەنابەر سووری لەوڵاتەگە هەس.

 وەگورەی راپۆرتەگە، هەرچەن رەسین ئەرا خزمەتگوزاری گشتی و ئاست ژیان و گوزەرانی لە ساڵ ٢٠٢١ تا ساڵ ٢٠٢٢ خاسەو بویە، وەلێ هیمان بۆشایی فرەیگ لە کوالیتی خزمەتگوزاری گشتی هەس، ک نیەیلێد گلەوخواردنەگە تەواو بوود.

 بەرنامەی خوەراک هەماهەنگی جەهانی وەگەرد حکومەت عراق ئەرا نووەوکردن PDS - گەورەترین بەرنامە ئەرا پشتگیریکردن خوەراک و تووڕ ئاسایش کۆمەڵایەتی لە وڵاتەگە- ئەرا مسۆگەرکردن مقیەتیبوین رەسین گشت عراقیەیل ئەرا مقیەتیکردن کۆمەڵایەتی.

دویاترین کامپ ئاوارەیی فیدڕاڵی 

لە ١٩ی نیسان گوزەشتە، حکومەت عراق کامپ جەدعە لە ناحیەی قەیارە باشوور شار مووسڵ ناوەند پارێزگای نەینەوا بەساد، ک ٣٤٢ خانەوادەی سەرگەردان لەناوی بوی، (زیاتر لە ١٥٠٠ کەس).

راپۆرتەگە نشان دەێد ک بەسیان ناکاوی ئەو کامپە وەگەرد زانیاریەیل وەزرات کووچ و کووچبەری وەگەرد هاوبەشیان ناودەوڵەتی لە چین مرۆیی نەگونجیاگە.

 نویسینگەی کاروبار مرۆیی لە نەتەوە یەکگرتگەیل لە عراق، بەیاننامەیگ لە ١٩ی نیسان گوزەشتە دەرکرد، لەناوی داوا لە دەسەڵاتەیل عراق کرد بیوەیی و خوەشگوزەرانی دانیشتگەیل کامپەیل ک لەی دویاییە دەرچگن مسۆگەر بکەێد، ک فرەیان مناڵ بوینە.

دویای ساڵەیلیگ لە تەقەلایل حکومەت عراقی ئەرا بەسیان شوینەیل ئاوارەیی لە گشت وڵاتەگە، و قایمکردن سیاسەت گلەوخواردن، کامپ جەدعە جویر دویاترین کامپ ئاوارەیی لەناو عراق بوی، باوجی هیمان ٢٥ کامپ ئاوارەیی لە هەرێم کوردستان هەس، ئەوەیش وەگەرد کامپ (جەدعە- ١) لە نەینەوا، ک ئەو عراقیەیلە گرێدەو ک لە کامپ هۆل لە باکوور خوەرھەڵات سوریا گلەو خواردنە.

قسەی ئەو کەسەیلە ک گلەو خواردنە     

راپۆرتە ئەمریکیەگە ئویشێدیش؛ ئەوانەگ ئەرا ناوچەیل خوەیان گلەو خواردنە هیمان کەفنە وەر سەختیەیلیگ لە تیکڵابوین، لە ئەنجام ژاوەژاو ئەمنی و نەوین ئاسایش، وەگورەی هەڵسەنگاندن ریخریاگ ناودەوڵەتی ئەرا کووچبەری.

 راپۆرتەگە لە شوینیگتر باس خاسەوبوین ئاست ژیان و گوزەرانی و رەسین ئەرا خزمەتگوزاری گشتی لە ساڵ ٢٠١٢ تا ساڵ ٢٠٢٢ کرد، ک تەنیا ١٪ لەوانەگ گلەوخواردنە لەناو ماڵەیل گەن نیشتنە، جویر پەنایگ نا فەرمی یا چادر یا بینای تەوانەکریاگ.

وەگەرد ئەوەیش؛ کارەبا و ئاو ئەرا ئەوانەگ گلەو خواردنە هاتەو ئەرا ئاست وەرجە ساڵ ٢٠١٢ و لەلی خاسترەو بوی، باوجی لەبان ئەوەیش؛ ئەو کەسەیلە ک گلەو خواردنە هیمان ئاگاداری لە بۆشایی گەورەیگ لە خزمەتگوزاری گشتی کەن، ک نزیکەی ٨٠٪ لەو خانەوادەیلە داد لەدەس کەمی کارەبا کردن، و زیاتر لە ٦٠٪ یان داد لەدەس سەختی لە خوەنەواری و تەندروسی کردن.

لەبان ئەوەیش: کەسەیلیگ ک گلەو خواردنە، ئەرا ئاژانسە ئەمریکیەگە باس گلەوخواردن ئاست کراکاریگ وەشیوەی گەورەیگ کردن، وەلێ هیمان سەختی نەوین ئاسایش ئابووری وەردەوامە، ک هەر یەک لە سێ خانەوادە باس نەوین پویلیگ کردن ک بەش سەنین خوەراک و چشتەیل سەرەکی بکەێد.