دوياى رهخنهى ناوخوهيى و دهرهكى.."لهبهيك يا حسێن"كريا"لهبهيك يا عراق"
![دوياى رهخنهى ناوخوهيى و دهرهكى.."لهبهيك يا حسێن"كريا"لهبهيك يا عراق"](https://media.shafaq.com/media/archive/files/Archive.jpg)
ئى گامه جواوه ئهرا ئهو مهترسيهيله ك گوايا پشتبهسانن عراق وهو جهنگاوهرهيل شيعهسه ئهرا راوناين ئهو ريكخرياگ تونڕهوه لهجياى سهربازهيل سوپاى نيشتمانى ك مهعنهوياتيان كزهو بويه، ك يهيش ئهدێده مايهى تويڕهبوين سونيهيل عراقى و نيشانهى بهشبهشهوبوين تايفى له ناوچهگه.
لهى باوهتيشهو، وڵاتهيل يهكگرتگ ئهوه دهرخست و وت: ئهو ناوه ك جهنگاوهرهيل نانهسهى ئهرا هاوردنهوهى ئهنبار بى سووده، ك مهرام لهلى "لهبهيك يا حسێن"ه.
دى وه گوورهى راپۆرت روێتهرز ك(شهفهق نيوز)ئاگادارى بوى، ئى ناوه شكايهت فريهيگ لهلى كهفتهو له لايهن مهردم ناوخوهيى و دهرهكى.
سهلام ئهحمهد ك تهمهنى 41 ساڵهو بيكاره، وت: ئى ناوه تا رادهى فريهيگ تايفيهو متمانه وه هيزهيل شيعه نهيريم، چوينكه ئهنجندهى بيگانهو ئيرانى ديرن.
وهل ئهوهيشا موقتهدا سهدر سهركرهى رهوت سهدرى رهخنه لهى ناونيشانه گرت و له بهياننامهيگ وت: لهيوا ناوهيليگ وه خراو لهلى فامن، ههر وهو خاتريشه بايهسه لهبان گشت ئهو كهسهيله خوهشهويسى ئهرا نيشتمان ديرن و دژ تايفهگهريين دگان وهو جووره ناونيشانهيله نهنهن و خوازيار ئهوهيش بوى لهجياى لهبهيك يا حسێن بكريهيده لهبهيك يا سهڵاحهدين، يا بكريهيد لهبهيك يا ئهنبار.
سهدر ههميش وت: من باوهڕم ئهوهسه ك وهردهوامى لهبان لهيوا ناونيشانيگ گرژى لهلى ئهكهفێدهو دژ سهركهفتنهو لهيوايش ژنهفتم ك ئهو ناوه فهرمى نيهو دهسڵات حكومهت رهتيهو كردگه.
جى باسه، تهلهفزيۆن فهرمى باس لهوه كرد ك جهنگاوهرهيل ناو ئى كردهوهى سهربازيه ئاڵشت كردنه ئهرا(لهبهيك يا عراق)و ههر وهو خاتريشه كهريم ئهلنورى ك قسهكهره وهناو جهنگاوهرهيل حهشد شهعبى وت: ههردوگ ناوهگه ههمان مانا ديريد و جهنگاوهرهيل وشهى(عراق)ههڵوژانن و هويچ كيشهيگ نيه له مهسهلهگه.
ج . أ