دویای ٢٠ ساڵ لە داگیرکردن عراق.. کتاویگ ئەمریکی دووارە خوەنستنیگ ئەراک جەنگ تیرۆر کەێد

دویای ٢٠ ساڵ لە داگیرکردن عراق.. کتاویگ ئەمریکی دووارە خوەنستنیگ ئەراک جەنگ تیرۆر کەێد
2023-01-02T12:43:38+00:00
شەفەق نیوز/ لە ئەمریکا کتاو «جەنگ بی کۆتایی هەمیشەیی لەبان تیرۆر» دەرچگ، ئەوەیش وەگەرد ٢٢ ساڵیاد راگەیانن جەنگ لەبان تیرۆر و دویای بیس ساڵ لە داگیرکردن عراق تیەێد.

کتاوەگە ئەرا میژووزان و مامووستای زانکۆ ئەمریکی ئەلیکس لوبینه، و زانکۆی کالیفۆرنیا بڵاوی کرد.

دەرچگن ئی کتاوە جویر دووارە خوەنستنە لە رویداوەیل ئی جەنگەیل ئەمریکا ک فرە لە سیاسەتی و کۆمەڵگای و رەسینەوەی ئاڵشت کرد.

سایت "بوينگ بوينگ" ئەمریکی،  وەگەرد سەر ساڵ نوو، خوەنستنیگ لە کتاوەگە بڵاو کرد، وەگورەی راپۆرتیگ ک ئاژانس شەفەق نیوز ئەڵگەردانی کرد ک وت: هاتێ جەنگ  لەو دویاترین چشتەیلە بوود ک ئایەم خوەشی باێد وەگەرد سەر ساڵ نوو هویریگ لەلی بکەێد.

باوجی راپۆرتەگە وت: چوینکە ساڵ ٢٠٢٣ بوودە ٢٠ ساڵ لە دویەم داگیرکردن ئەرا عراق لە ئامار ٢٠٠٣، و بیس و دویەم ساڵ لە وەوەگ وەپی ئویشن جەنگ لەبان تیرۆر، ئەراوە  دووارە خوەنستن بنچینەی ئی جەنگە ک هەر تەواو نیەوود و باسەگەی وەردەوامە، چشتیگ فرە گونجیاگە.

راپۆرتەگە دووپات لەبان گرنگی کتاوەگە کرد چوینکە پرسیار لەلای ئەو نەوەیلە دروس کەێد ک دویای سەدەی ٢١ پەیا بوینە، و ئەوانەگ وەرجە ساڵ ٢٠٢٢ پەیا بوینە، لە باوەت ئەو چشتە باوەیلە لە جەنگ لەبان تیرۆر و پەردبوین دەزگا ئەمنیەیل وە گشت شوینیگ لەناو کۆمەڵگا، و ئەو ئاڵشتیە ک کەفتە ناو ژیان تایبەت مەردم و هەس و کارەیل دژایەتیکردن عەرەو، وەگەرد ئەو رەسین قایمە وەلایەن نەتەوەپەرەسەیل مەسیحی چەرمگ، و ئەو ئاڵشبوین ئابووری سەرمایەداری ئەمنیە، وەگەرد چەواشەکاری و پشتگووشخستن راسیەیل میژوو و نمایشکردن ئەمریکا جویر قوربانی، ک رویداوەیل ١١ی سیپتەمبەر میژوو نەیرێد، و جەنگ جەهانی گشتگیر لەبان گشت چشتیگ دژو ئەمریکا جویر مەوقەیگ جیاوازە.

 راپۆرتەگە دیاری کرد ک ئەوە بەشیگە لە کتاوەگەی ئەلیکس لوبین.

راپۆرتەگە لە زوان لوبین ئویشێد: نەوەگ وە تەواوی لە گەنجەیل قەت نەزانستنە  ک ئەمریکا جەنگ لەبان تیرۆر نەیرێد.

لوبین وتیش: کتاوەگە هەمیش باس کاریگەری سیاسەت دویای ١١ی سیپتەمبەر و دروسکردن ئەفسانەیلیگ لە گشت سویکیگ لە ژیان ئەمریکا کەێد، وتیش: جەنگ بیکۆتایی لەبان تیرۆر پشت وە ٥ ووشە بەسێد ک مەوقەی سیاسی و کەلتور لە ئەمریکا دروس کەن، ک ئەوانەیش (نیشتمان، ئاسایش، تایبەتمەندی، شکەنجە، فڕۆکەی بیفڕۆکەوان)ە.

لە کتاوەگەی لوبین نزیکەی بیست ساڵ لە سەردەم وەیەکەو بەسێد، لە وەختیگ ئەمریکا دەسکردە جەنگ لەبان تیرۆر، و پرسیاریگ لەباوەت ئەو ئاڵشبوینە کرد ک چگە ناو سیاسەت و کۆمەڵگا، و وەناو (یاسای نیشتمانپەروەری) رەد بوود ک وەزارەت ئاسایش ناوخوەیی دروسی کرد، و ئیدوارد سنودن و خەلیج گۆنتانامۆ و سیمای تڕەمپی.

 لوبین ئویشێدیش: ئەو پەنج ووشە جویر مەچیریگ لە دی ئێن ئێن هاتگە، ک وەپی توەنێ خشتەیل بنەڕەتی جەنگ لەبان تیرۆر بفامێ.

راپۆرتەگە لە کۆتایی وت: ئەو کتاوە هوکارەیل جەنگ ئەمریکی شیەو کەێد و لە خود وەختەگە باس کەێد چوین میژوو  جەنگەگە خریا پشت گووش، و باس گرنگی کتاوەگە کرد ک کوڵبڕە و راسیەیل ئاشکرا کەێد.

Shafaq Live
Shafaq Live