تەسپیح.. لە دروسکردن سۆمەریەگانە و کوردەگان داهێنان لە چنینی کردن

تەسپیح.. لە دروسکردن سۆمەریەگانە و کوردەگان  داهێنان لە چنینی کردن
2020-10-20T17:59:55+00:00

شەفەق نیوز/ لەنزیک قڵای هەولێر، محمد حەمە ئەمین جوورا جور چینیەیل تەسپیح لەبان زەوی داناگە، وچەوەڕی کڕیارەیلی کەێد، ک ژمارەیان لەی ماوە کەمەوبوی، لەوەر ئەو قەیران ئابووریە ک هەرێم کوردستان وەپیا رەدبوود، وهەمیش لەوەر بڵاوبوین ڤایڕۆس کۆڕۆنا، ورێکارە حکومەتیەگان ک جوولەی مەردمەگە لەبازاڕ وجادەگان بڕێد.

وەرجە ٥٠٠٠ ساڵ، لە لای سۆمەریەگان دروسکردن تەسپیح دەسکریاپی، ئیحا چگە ئەو شارستاتیەگان جوور فرعەونی وهیندی و فارسیەگە.

سەنگە نەختەگان ک تەسپیح لەلی دروس کریاگە، خاوەن هەمیشەیین یا ئەوانەگ وە سەختی وتوانایی ناسریاگن، وهەمیش لەسیمای رووحانی و سیحری ک ئایم هەست وەپی کردیاد هیشتەی بوودە ئەو پێکهاتەگ شیوی ئەفسانەیی بیاشتاد، چ ئەرا پیاو یا ژن.

محمد حەمە ئەمین ئەرا ئاژانس شەفەق نیوز ئووشێد؛ هەرچەن وەشیوی ئاشکرایک نرخ تەسپیح داوەزیاگە، بەڵکم بازاڕیش هیمان وسیاگە و جوور جارانی خاس نیە.

تەسپیح گریەیگە لە چەن میرگیگ بەسیانەسە بەنیگ وەناو کونایل میرکەگان دروس کریەێد، و بوودە هەڵقەیک لە سێ بەش جوور یەک بەشەوبوینە، ک دوو مێرگ وەپانی ناوبەنیان گرن، ئیجا هەردوگ لای بەنەگە رەدبوودنە ناو میرگ دریژیگ لە گشتیان گەوراترە، ک بوودە دەسگ ئەرا تەسپیحەگە، ومەرجیش نیە ئەو میرگ دریژە یا میرگەیل ناوبەینەگان هاووشیوەی یا هاوڕەنگ ئەو میرگەگان بوود.

لە لایەن ژمارەگان، تسپیح سێ بەشی هەس، ک لەسی وسێ میرگە و هەسیش وە نەوەت و نۆ میرگە لە نماز وەکاری تیەرن.

لە باوەت چینەیل تەسپیح ک بازاڕیان لە هەولێر و کوردستان گەرمە، محمد ئووشێد؛ ئەو چینەگ وەپی ئووشن «کەهرەب» لەلای مەردم لە گشتیان خاسترە.

کەمیگ ئەولاتر لە محمد ئەمین، عوسمان قاسم نیشتگە ک ئەو تسپیحەیل قەسقەوان فرووشێد.

قاسم ئەرا ئاژانس شەفەق نیوز ئووشێد؛ ئیسە نرخیان هەمیش داوەزیا ، ک خاسترینیان وە ٢٥ هەزار دینارە، و ئاساییەگەی وە ٥ هەزار دینار.

جاروباریش نەقشەەیلیگ دانەنە قەی میرگەگان تا دڵ کڕیارەیل بکرێد.

و دووپات کەێد ک تەسپیح لە چشتەیل کەشخەییە لە لای پیاوەگان، و بەشیگیش ئەرا رێکخستن نزا و سەڵواتەیلیان لە پشت نماز وەکار تیەرن.

Shafaq Live
Shafaq Live