ئامار دیدارەیل گەپیگ ئەرا نێچیروان بارزانی لە ئەڵمانیا
شەفەق نیوز/ چشت ئاساییگ نیە ک نێچیروان بارزانی سەرۆک هەرێم کوردستان، لەناو دیدار نەختە سەرکەدەیل سیاسی و ئەمنی لە ئاست جەهان، بوودە خاوەن ئی هەمکەی گردەوبۊنە وەگەرد سەرکردە و گەورە وەرپرسەیل لە جۊراجۊر دەوڵەتەیل، و ئی خشتەی درۊژە لە باوەت و قەیرانەیل باس بکریەێد.
رووژ پەنجشەممە، نێچیروان بارزانی سه‌رۆک هه‌رێم کوردستان، ئەرا بەشداریکردن لە کۆنفراس میونخ ئەرا ئاسایش رەسیە ئەڵمانیا، باوجی سیمای جیوازیگ لە ئامادەبۊن هەر وەرپرسیگ توومار کرد.
لەناو ئەو کۆنفرانسە ک جۊر پلاتفۆرمیگە ک لەجەهان لەوینەی نییە، ئەرا دیدارەیل نەختینە ناودەوڵەتیەیل لەباوەتەیل سیاسی و ئاسایش، ک هۊچ شۆنیگ تر لە جەهان نییە ئیجۊر شمارەی گەورەیگ لە سەرکردە و نۊنەرەیل حکومەتەیل و کەسایەتی و پسپۆڕەیل ئاسایش و باوەتەیل سەربازی گردەو بکەێد. بەیاننامەیل سەرۆکاتی هەرێم کوردستان ک لەماوەی ئی دوو رووژە رەسێدە ئاژانس شەفەق نیوز، باس زنجیرە دیدارەیلیگ کەن ک لە بیس دیدار رەد کردن لەلایەن نێچیروان بارزانی سەرۆک هەرێم کوردستان تا ناوڕاس رووژ دۊەم لە کۆنفراسەگە ئەنجام دریاگە.
چەوپیکەفتنەیل سەرۆک بارزانی وەگەرد کەساێەتیەیلیگ لە جۊراجۊر دەوڵەتەیل بۊ، ک تا ئیسە؛ نەجیب میقاتی سەرۆک وەزیرەیل لوبنان، فەیسەڵ بین فەرحان ئال سعود وەزیر دەرەوەی سعودیە، حسێن ئەمیر عەبدوئیلاهیان وەزیر دەرەوەی ئیران، محمد عەبدوڕەحمان ئال سانی وەزیر دەرەوەی قەتەر، نیلس شمید قسەکەر دەسەی باوەتەیل دەیشتەکی لە پەرلەمان ئەڵمانیا، لوینزۆ گویرینی وەزیر وەرگری ئیتاڵیا، شاندیگ لە کۆنگرس ئەمریکا وە سەرپەرشتی لیندسی گراهام، ئەنتۆنیۆ گۆتێرێش ئەمیندار گشتی نەتەوە یەکگرتگەیل، سوبراهمانيام جايشنكار وەزیر دەرەوەی هیندستان، كلاوديا روت وەزیر دەوڵەت ئەڵمانیا ئەرا باوەتەیل روشنهۊری و راگەیانن.
بارزانی لە سەرەتای دیدارەیلی چەوی کەفتە بۆڵ ریچارد گالاگر وەزیر دەرەوەی دەوڵەت ڤاتیکان، و مارغريتيس شيناس جیگر سەرۆک کۆمسیۆن ئەوروپایی، و توبیاس لیندنەر وە،یر دەوڵەت ئەڵمانیا ئەرا باوەتەیل دەیشتەکی، هەمیش سوڵتان بن ئەحمەد جابر وەزیر پیشەسازی و تەکنەلۆژیای پیشکەفتگ و ئەندام ئەنجومەن وەزیرەیل لە حکومەت فیدراڵی ئیمارات و سەرۆک شاند وڵاتەگەی ئەرا کۆنفرانس میونخ.
