پهيوهنديهيل سهخت ناونی ئهمريكا و چين وهرهو كاملا ؟
![پهيوهنديهيل سهخت ناونی ئهمريكا و چين وهرهو كاملا ؟](https://arcellabucket.fra1.cdn.digitaloceanspaces.com/media/archive/files/Archive.jpg)
بيجگه جياوازی ئايدۆلۆژياو كارهيل حزبی ههردوگ وڵات گهوراهيز ، چهن هووكاريگ تر هاندهر ئهو گرژی و سهرديهسه ، وهك پيشوازيركردن سهرۆك ئۆباما له رابهر روحی بوزيهيل ههرێم تبت (دالای لاما) وه رهسمی لهواشنتۆن . ئی كاريشه كاردانهوهی خراويگ داشت ئهرا پهيوهندی ناونيان ك وهزير خارجيهی چين (يانگ جهيچی) له كۆنفرانسيگ رووژنامهگهری ئاشكرای كرد ك پهيوهنديهيل ناونی چين و ئهمريكا ئاسايی نيهو ههمان وهخت وهرپرسيارێتی ئی كاريشه خسته مل وهرپرسهيل ئهمريكا . لهلايگ تريشهوه پشتگيری وهردهوام ئهمريكا ئهرا تايوان لهڕوی سهربازيهوه لهفرووشتن ههليكۆپتهرهيل (بلاك هوك)و ساروخ دژه ساروخ و چهنهها جوورتر چهك و تهقهمهنی ك زياتر چين نيگهران كردگه .
بيجگه پشتگيريكردن ئهمريكا ئهرا ديموكراتخوازهيل ناو چين لهباوهت ههق ئادهميزاد ك چين وه دهسوهرداين وڵات زانيگهی ، هووكاريگ تريش ك كاريگهری گرينگ ياموهميگ ديريگ ئهرا سهختهوبوين پهيوهنديهيل .. ئهويش پهيوهندی ئابووريه ، ك چين دهس باڵايگ ديريگ له تهقليدكردن گشت كاڵايگ لهگشت جوورهيل پيشهسازی و كشتوكاڵی ههر لهجوورهيل سهيارهو مۆبايل تا رهسيگه كۆمپيتهر و تهكنۆلۆجياو چشتهيل كارهبايی و جنگ و چشتهيل تر . بيگومان گشت ئی هووكارهيله كار كهنه بان پهيوهنديهيل ، وهلی نيهوگ ئهو خاڵهيليشه لههويرهو بووهيم ك خاڵ هاوبهشن و خاسن له پهيوهنديهيل جوير هاوكاری يهكتری لهمقهيهتيكردن بهرژهوهنديهيل ههردوگلا و لهوانهيش : زنگهوكردن ئابووری يا ريگرتن له پهخشهوبوين چهك نهوهوی و گويڕانكاريهيل ئاو وههواو كيشهيل تر ناودهوڵهتی . راسه چين دهوڵهت وههيزيگهو قهوارهی بهرههمهيلی وه چوارم دهوڵهت شماريهيگ لهجههان ، وهلی وهگوورهی شمارهی مهردمهگهی هيمان فره دويره لهچهو دهوڵهتهيل گهوراهيزو هيمان وڵاتيگ فهقيرهو كهم وكوڕی فرهيگ ديريگ . ئهرا نموونه كارهسات وهفرو واران لهسهرهتای ئمساڵ نيمهی وڵات چين ئفليج كرد ، ئهی ئايا لهوهخت جهنگ بايهسه چوين بووگ ؟
بيگومان مايهی خوهشحاڵيه ك دوينيم چين وهشيوهی خاسيگ مامڵه وهل كيشهيل وزه يا تاقهيا كردگهو لهی ١٠ ساڵ گوزهيشته چين وهل ٢٦ دهوڵهتا ريككهفتن ئهنجامداگه لهمهيدان دهركردن نهفت و غاز لهكومپانيايهيل گهورای نهفت و لهنهفت دهريايی و پترۆكيمياويهيل ك بويه سهبهب پهرهسهندنيگ گورج ئابووری چين لهنهخشهی ئابووری جههانی . ههر لهوهر ئهوهيش ههوڵ ئهوه دهيگ وهشيوهيگ قانوونی و سياسی و دبلۆماسی و ئداری پهيوهندی خاسيگ وهل وڵاتهيل عهرهبی جوير سعوديهو قهتهر و ئيمارات و كوهيت داشتووگ ، لهوهر ئهوه خاسهوكردن پهيوهنديهيلی وهل ئهمريكايا بووگه سهبهب جيگيربوين ئاشتی لهناونی ئهو دو دهوڵهت گهوراهيزهو گشت جههان ، چوينكه ههر ئاشتيه رهوڕهوهی ژيان وهرهو نوا بهيگ .