پرۆژهی عهرهبی ئهرا چارسهر كردن كيشهی كورد ها كوره؟
![پرۆژهی عهرهبی ئهرا چارسهر كردن كيشهی كورد ها كوره؟](https://arcellabucket.fra1.cdn.digitaloceanspaces.com/media/archive/files/Archive.jpg)
وجوود داشتگه و بهرژهوهنديهيل و هويرهيل هاوبهشيگ داشتنه وهلی باوهت كورد له فيشتر وڵاتهيل عهرهبی دويرهو خريا و دوينيمن ك دهنگ جموجويل ئازادیخواز كورد له فيشتر ناوهندهيل و پهرلهمانهيل ئهورۆپی و حكوومهتهيل بيگانه بهرزهو كريا وهلی ئهی باوهته له ناو كۆمهڵگهی عهرهبی دويرهو خريا و گفتوگوويگ لهبانی ئهنجام نهگرت. ئايا كۆمهڵهی وڵاتهيل عهرهبی لهوهخت دامهزراننی تا ئيسه له باوهت كورد گفتوگوو كردگه؟ وه كۆمهڵهی وڵاتهيل عهرهبی چوين وه باوهت كورد ئهنوڕيگ ؟ و ههڵويستی چهس؟
نزيكهی 10 مليون كورد له ههريهك له وڵاتهيل عيراق و سوريا و لوبنان لهناونی عهرهبهيل ژيهن. چوين نوڕنه كورد و باوهتهگهی ؟ ئايا كورد سهبهب خهتهر و ههڕهشهس يا هێز و هاوكاری و برايهتی ؟
پنا بردن وهرهو تونوتيژی و لهوهرچهو نهگرتن تهنيا نيشانهی ناتوانی ئهرا پهيا كردن چارهسهر دادوهرانهيگ ئهرا باوهت كورده ، و جارجار تونويژی تهنيا نيشانهی زوڵم و ناتوانی ئهرا ڕهسين وه ههق لهڕيگهی ئاشتيانهس.
وڵاتهيل عهرهبی و جامعهی وڵاتهيل عهرهبی تهقالای بويچگيگيش نهكردگه ئهرا ئازادی و ديمۆكراتی مللهتيگ ئهرا سهڵاحهدين ئهيوبی گلهو خوهن . كورد لهبوارهيل سياسی و كۆمهڵايهتی شان وهشان عهرهب خهبات كردنه وهلی تونوتيژی دهوڵهت زيايهو بوی و لهشوون بهشدار كردن و گفتوگوو دهس كرياسه ترسانن و ههڕهشه كردن و زياترهو كردن ديدگايل تونڕهوانه له دژ كورد و جوور هاووڵاتی پلهی دويم زاننهی . ڕووژههڵات ناوڕاس ترسيگ و ئاگاداره ههر گويڕانكاريگ كوتايی تيهريگه خوهی و ڕێكخراوهيلی وهی خاتره بايهد ئاگاداری كۆمهڵايهتی و وتار ڕووشنهويری نوهو بكريهيگ و تهقالا بكهن ئهرا زامن كردن ئازادی و قهبوول كردن نهتهوهيل تر . ئيمه جوور كورد قوربانيهيل و چشتهيل فرهيگ داشتيمنه ئهرا وڵاتمان وهی خاتره بايهد له گشت چشتيگ وهی وڵاته پهيوهندی ديريگ بهشدار بكريهيم وه ههو جوورهگ ئهرك خوهمان جيوهجی كرديمن بايهد ههقهيلمانيش بدريهيگه پيمان و توايم وه ڕووژههڵات ناوڕاس ديمۆكراتی و ژياريگ بڕهسيم.