ههمیش میدیاى كوردى له هویرمانهو برد
![ههمیش میدیاى كوردى له هویرمانهو برد](https://arcellabucket.fra1.cdn.digitaloceanspaces.com/media/archive/files/Archive.jpg)
ههر مللهتێگ ها هویر خوهى و سهرگهرم ژیان و خوهشیهیل و ناخوهشیهیل خوهیه! لاى ئیمهش مانگهیل و ڕووژهیل ناو خوهیان دیرن! تهنیا ڕویداگ ڕاس له ئى مانگ نیسانه ك ئویشن مانگ دروو داینه ئهراى بهشێگ له مللهتهمان (كورد فهیلى) ئهوه بى ك ڕژیم بهعس له دهركردن و بیسهر و شوینكردنیان دهس و دڵواز بى و گشت میدیایهیل له ههناز ئی تراژدیا بینه هاودهم بیدهنگى، چمان هیچ ڕوى نهداگه و یهش دروو نیسانه!
گرفت ئیمه، كوردهیل ئهوهسه ك دووس دیریمن مهردم باسمان بكا بى ئهوه ك خوهمان باس یهكتر بكهیمن و لهى ههنازه كارهساتهیل گهورا بى ناز كهفن و فره له ڕویداگهیل له هویرهو چن یا خوازیمن له هویر بچن! مانگ نیسان ئهراى ئیمه مانگ بیدهنگى و له هویرهو بردن نیه، ئهو ڕویداگهیله یاد شرین دووسهیلمان و هویر خراو دشمنهیلمان ئهخاده هویرمان! یه پرسیار گشت ڕووژێگمانه ك ئایا كورد نانووڕیده تهقویم یا ڕووژ ژمار خوهى تا ئهندازه و شمارهى مهینهتیهیل فره تیهڵ خوهى بزانێ؟
گشت زانن ك لهى مانگه ئهوه وه سهر كورد فهیلى هات ك وهرژه ئهوهو دویاى ئهوه له پرووسهى كوردقڕان وهسهر بهشهیلتر له مللهت كورد هات،
نازانیمن ئهرا كوردهیل دهیشت ههریم كوردستان دایم هانه ناو كڕ له هویرهو چوین؟ وهلى تویهنیمن بویشیمن ك هیمان پهیام یا هویر نهتهوهیی و سیاسى كورد ڕووشن نیه و ئستراتیژى و بهرنامهێگ وهردهوام ئهراى گرفتهیل و كیشهیل خوهمان له دهیشت ههرێم نێریمن!؟
باس یه نیه ك له چنه ڕووژێگ گشت زرانى خهم وه بهخهڵ بگرن یا دهقیقهێگ له شوون خوهیان بووسن! گلیهى له دهزگایهیل ڕهسانن غهیر كوردى ناكهیمن ك ههركامیان ئهراى خوهى بهرنامه و سیاسهت تایبهت دیرێد وهلى باس ئهوهسه ك دهزگایهیل ڕهسانن و ڕووشنهویرهیل و تاریخ نویسهیل كورد و ئهوانهى له قانوون و ماف ئنسانهیل ئویشن ئهرا زووان بهسن؟! كهمێگ له بان ئى ڕویداگهیل سیهپووشه قسیه ناكهن تا كهم له فره له ئهو باوهڕه نزیك نهویمن ك بویشید كورد جهماعهت نه تاریخ خوهنێ و نه تاریخ نویسنێ و دووس نێرێ خوهى باس خوهى بكا!! ئى كارهساته باسكردن و خستنه هویر ئهخوازێ چوین ههر كارهساتێگ و بوونهیلێگ و بهشێگه لهو نههامهتیهیله ك وهسهرمان هات ئهگهر وهناو فهیلى و بارزانى و سؤرانى و ههورامى و ئهگهر وه ناو ئێزیدى و شهبهك و كاكهیی و ههر زاراوه و مهزهوێگ ك مللهت كورد وهپى دهوڵهمهنده.
ئومیدم یهسه وهرژه ئهوه ك گشت چشتێگ وه چهو سیاسهت و بهرژهوهندى بنووڕیمن، كهمێگ ئنسانى و نهتهوهیی هویرهو بكهیمن تا مهردم ئیمه نهڕهسنه ئهو باوهڕه ك ئویشید ناخوازنهمان!!