مه‌داليا‌ی شه‌هيد فه‌يلی
و ستايش له‌ليان كريه‌گ وه تايبه‌ت هه‌ركه‌سيگ خه‌بات كه‌يگ ئه‌را چه‌سپانن حه‌ق و ته‌نيا خه‌می ئه‌وه‌سه ك حقوق هه‌ر كه‌سيگ حه‌قی برياس سه‌رله‌نوو گله‌و بيه‌يگ . له‌شوون چه‌ن مانگ كورده‌يل فه‌يلی ياد شه‌هيده‌يليان له رووژ شه‌هيد فه‌يلی زينگه‌و كه‌ن و ئه‌ی ياد كردنه بويه‌سه كار و هوير و ره‌وش ساڵانه‌يگ ك بووده بايس زينگ مه‌نين ناو شه‌هيده‌يل كورد فه‌یلی و ئه‌و چشته‌يله ك پێشكه‌ش كردنه و له هه‌مان وه‌ختيش له‌بان ئه‌ندازه‌ی ئخڵاس فه‌يليه‌يل وه شه‌هيده‌يليان ئاشكرا كه‌يگ ك رووژ شه‌هيد فه‌يلی كردنه‌سه رووژ گه‌ورايگ له گشت شوونيگ جه‌هان . وه ئه‌رائه‌وه‌گ ئه‌ی رووژه وه دريژاي‌ی مويژو نه‌مره‌و بوود و پشت له‌دويای پشت وه‌ردوام بوود دريژه ده‌نه ياد كردن ئه‌ی رووژه له گشت ساڵيگ . هه‌ميش پيشنيار كرياس ك رێكخراوه‌يل فه‌يلی پرۆژه‌يگ بگرنه وه‌ر ئه‌را دياری كردن و درۆس كردن مه‌داليا‌ی شه‌هيد فه‌يلی ك نيشانه‌ی ئه‌ی رووژ نه‌مره بوود وه ئه‌ی مه‌داليا گشت ساڵيگ له ئه‌ی جوور رووژيگ پێشكه‌ش هه‌ر كه‌س يا كۆمه‌ڵه‌يگ كريه‌يگ ك خاسترين ته‌قالايل و خزمه‌ته‌يل پێشكه‌ش كورد فه‌يلی و ره‌سانن ده‌نگيان ئه‌را گشت شوونيگ كردنه . ئه‌ی جوور رێزگرتنيگ ته‌نيا رێزگرتن دارايی يا مه‌عنوی نيه ، به‌ڵكه‌م نيشانه‌يگه ئه‌را هه‌ر كورد فه‌يليگ تا دڵنيايی په‌يا بكه‌يگ كه‌سيگ هه‌س گرنگی ده‌يگه كاره‌يلی و گرنگتريش ئه‌وه‌سه ك ئه‌ی مه‌داليا ناو ره‌مز گرنگترين موقه‌ده‌سات كورد فه‌يلی نرياسه بانی ك ئه‌وه‌يش شه‌هيد فه‌يليه .
