فهیلیهیل عراق باوگ فهقیر و نهدارهیلن
![فهیلیهیل عراق باوگ فهقیر و نهدارهیلن](https://media.shafaq.com/media/archive/files/Archive.jpg)
نقڵانهى فهقیرى وهپیهوه دیار بویهو دهردهسهرى و نائومیدى فرهیگ روى له مللهتهگهى كردگهو جهنگ و كاولكارى ههر لهتى وهردهوام مللهت فهقیر و كهمدرامهت چهوسانهسهوهو ژیان گشت چینهیل لهتى جویر یهك نهویه.
لهسهردهم پاشایهتى تا كوومارى و سهرهتاى حوكم دكتاتۆریهت فهقیر چهوهڕى دهس حكوومهتهیل یهك لهشوون عراق كردنه ئهرا ئهوهك وهزع ژیانیان وهرهو خاستر بووهن و كهمیگ لهوهزع ژیانیان سووكهو بكهن و بیكارى و دهسبهتاڵى لهوڵات نهمینیگ و قوناغهیل ژیان لهلاى نهدارهیل رویهو خاسى بووگ ، وهلى وهداخ فرهیگهوه لهگشت دهسڵات تازهیگ ههمان تاسهو ههمان حمام بویهو ئاسو فهقرهیل روى لهكزى كردگهو لهباوهت وهزع ژیانهوه كهمدهسى و بهختى فرهیگ هاته بان خیزانهیل فرهیگ ، یهیش لهوهختیگ وهگوورهى ئاست ئابوورى عراق نهبایهس هویچ خیزانیگ وهدهس فهقیریهوه گرفتار بویاتاگ لهوهر ئهو ههمگه سهرچهوهى فرهى فراوانه ك لهى وڵاته ههس.
كوردهیل فهیلى بیجگه ئهوهك ستوینیگ سهرهكى بوینه لهجموجویل ئازادیخواز و بهشدار راسهقینهیگ بوینه لهشووڕشهیل كورد وهتایبهت لهشووڕش ئهیلوول گهوراو لهلایهن مهسهلهى نهتهوهییهوه دهور باڵایگ داشتنهو ههر وهنا كوردو كوردبوینهوه تهسفیر و دهروهدهر كریان و ڕوڵهیلیان لهزندانهیل عراق لهژیر سزاى ناعادڵانهى رژیم بهعس گیان لهدهسدان و بیجگه ئهوهیش وهههزارهها لهلیان بى سهروشوون و زنگ وهچاڵ كریان ، وهلى وهل ئهوهیشا كوردهیل فهیلى لهوهرجه ئهو كارهساته ك هاته بانیان ئابوورى عراق وهدهس خوهیان بویهو بازرگان و خاوهن كارهیل ئازاد لهتیان ههڵكهفت و ههر وهو سهبهبیشه ههزارهها خیزان نهدار و فهقیر لهسایهى ئهوان ژیان ، چوینكه گهوراترین و دیارترین بازاڕهیل بازرگانى عراق كۆنترۆڵ بوى وهدهسیانهوهو دهرفهت دیانه بیكار و فهقیرهیل دهسهو كارهو بوون لهلایان و چهنهها خیزان وهسهبهب ئهوانهوه دابین ههوهجهیلیان كریاو خوهشگوزرانى خوهیان كردیان لهسایهى خوداو كوردهیل فهیلى.
ئیسهیش ئهگهر بایگ و كیشهو گرفت فهیلیهیل جویر مهسهلهى شوناسنامهو هاوردنهوهى موڵك و مهڵهیلیان چارهسهر بكریهیگ ك لهوهخت خوهى لهلیان وه زوور زهفت كریاو بریا ، یا حكوومهت تازهى عراق قهرهبوو گشت ئهو زهرهدهیله ئهڕایان بكا ، ئهوه بیگومان ئهو چالاكى و زرنگى ئهوانه دوباره جویر جار جاران تیهیگهوهو تویهنن دریژه بیهنه كارهیل بازرگانى و گهرمكردن بازاهڕهیل لهئهوسا خاستر و فهقیریش تیكهى نان بكهفیگه دهسى ، لهوهر ئهوه تویهنیم بویشیم : كوردهیل فهیلى جموجویلدهر (محرك) ڕهوڕهوهى ژیانن لهى وڵات پڕ لهبهدبهختیهو حهیفه پشت لهلیان ههڵكریهیگ و چارهسهر كیشهیان نهكریهیگ ، چوینكه نهك ههر ئهوان زهرهدمهن بوینه ، بهڵكوو خیزانهیل تریش وهبوونهى ئهوانهوه سهرچهوهى رزقیگ نهیرن و ناڵنن وهدهس گرفت ژیان ڕووژانهوه ، ههر لهوهر ئهوهیش ئویشیم فهیلیهیل باوگ فهقیر و نهدارهیلن.