ئەرای ئاسوودەیی دڵ خوەد جویر واران بەخشندە و میهرەبان بە

ئەرای ئاسوودەیی دڵ خوەد جویر واران بەخشندە و میهرەبان بە
2022-07-05T17:32:19+00:00

فاتیمە سەڵاح/ هەمیشە بەخشندەیی  پویل نیەخوازێد، دروسە ک هاتێ وە پویل  بتوەنیەێد فرەیگ لە هەسەیل پڕەو بکەێد، باوجی دروسکردن ئاسوودەیی لە ری بەخشندەیی فرەیگ لە چشتەیلتر دروس بوود ک وە ئەنجمامدانیان کەسەگە ئاسوودەیی وەخشێد وە دڵ و دەروین خوەی و کەسەیلتر.        

ئەرا ئەوەگ ئاسوودەیی بکریەێدە میوان هەمیشەیی دڵەیلمان تەنیا یەک خاڵ گرنگ هەس، ئەویش ئەوەسانێ ئەو کارەی ئەنجامی دەیمن گرنگ نییە، بەڵکم ئەوگ گرنگە ئەنجام  ئەو کارەس ک کاریگەرییگ وەبان  هەستەیل دەرونمان  دروس کەێد، هەر تاکیگ لە ئیمە لە ژیان رووژانەی توەنێد وە ئاسانترین شیوە ئاسوودەی بوەخشێد وە دڵ خوەی و بزگەخەنەی خوەشیش بخەێدە بان لیو کەسەیلیگتر.       

روی خوەشی و زوان خوەشی یەکیگن لە هەرە ئاسان و ساکارترین کارەیل ک توەنیمن ئەنجامی بیەیمن، هەمیش لەهەمان وەخت دەسکەفت گەورەیگ لە ئاسوودەیی دڵ  وەدەسمان کەفێد یا وە هەواڵ پرسین سادەیگ لەری کەسەیل نزیکمان، وەخشین ئەو زانست و زانیارەیلە ک زانیمنەێ و کەسیگتر خوازێد، یا وە وەخشین لە ئازیز و دوسەیلمان.... ، بیگومان ری ئاسان و ئاسوودە بەخشەیلە ئەونە فرەن باس کردنیان کۆتایی نەیرد.       

ئیمە وەپیمان کریەێد   میهرەبانی و بەخشندەیی و سۆز وەخشین لە واران یای بگریمن، هەنای وارێد جیاوازی لە مابەین باخچەی بویچگ ماڵیگ و دارسان گەپیگ نیەکەێ،د وارێد تیریان کەێد لە سووز و میرەبانی خوەی ئەرا دڕگیگ و گوڵیگ و دار گەپیگ جویر یەک، وارێد و مرواری شەونم ئەرایان کەێدە دیاری، و تیر تیر لەباوشیان گرێد وەبی ئەوەگ گلیەو گازندە لە ژان دڕگ بکەێد،.و خوەشی لە نەرمی پەرەی گولیگ و بەرزی باڵای داریگ بکەێدز تینگییان  وە میرەبانیەگەی شکنێد، ک ئەرا ئاسوودەیی دڵ خوەد جویر وارن بەخشندە و میرەبان بوو تا بەخشندەیی و میهرەبانی خوداش وەدەس بارێ.

Shafaq Live
Shafaq Live